Әке өсиетіне адалдық

ҚТЖ келбеті
20.06.2019, 10:55
Сұлугүл Бакесова

«Қазақстан теміржолшысы» газетінің тілшісі

Жезді елінің Ақадыр ауданына қарасты Босаға ауылында қарапайым жұмысшы отбасында дүниеге келген кейіпкеріміздің темір жол саласында тер төгіп, несібесін теріп жүргеніне де отыз жыл. Бүгін ердің жасы елуге толып отырған жігіт ағасы кезінде әкесінің ақылымен осы саланы таңдағанына өкінбейді.

Кеңес Одағының ыдырайтынын сезсе керек, 1986 жылы орта мектепті бітірген ұлын әкесі шақырып алып, «балам, ауыл шаруашылығының болашағы бұрынғыдай емес, бұлыңғыр болып барады, сондықтан ешқашан тоқтамайтын сала, өлмейтін кәсіп – теміржолшы болсаң, қор болмайсың» деп кеңес берген екен. Даукеңе әкесінің бұлай деп кеңес беруінің де себебі бар еді. Отбасында жетінші бала болып келетін оның алдындағы бауырлары да ата-анасының жолын таңдап, ауыл шаруашылығы мамандары болатын. Содан он жеті жастағы кейіпкеріміз Алматыға барып байланыс техникумына оқуға түседі. Оны араға үш жыл салып «Байланыс электромеханигі» мамандығы бойынша бітіріп шығады. Жас маман алған білімін кіндік қаны тамған туған жерінде пайдаланбақ ниетпен Ақадырға келіп, «Ақадыр байланыс торабына» жұмысқа тұрады. Бірақ, көп кешікпей Москва облысының Дубна қаласында «Әскери құрылысшы қызметкерлерін дайындау училищесінде» байланыс бөлімшесінің командирі ретінде әскери борышын өтейді. Елге оралған соң тепсе темір үзетін жас жігітті Ақадыр сигнализация және байланыс дистанциясының бас инженері Қайыргелді Омаров «бізге сен сияқты жас мамандар керек» деп жұмысқа шақырады. Аға сөзін жерге тастамай, Даукең сол мекемеге басыбүтін жұмысқа тұрады. Міне, содан бері отыз жылдай уақыт өтіпті. Байланыс электромонтері болып жұмысқа тұрған Дауылбай Сағындықов сегіз жыл Дария – Мойынты станциялары аралығында «Аға байланыс электромеханигі» қызметін атқарып, байланыс құрылғыларының қалтқысыз қызметін қамтамасыз ету арқылы пойыздардың қозғалыс қауіпсіздігінің сақталуына сүбелі үлес қосты. Ал кейіннен осы станциялар аралығында «Байланыс учаскесінің бастығы» қызметіне тағайындалады.

«Дауылбай Бақтыбайұлы – өз ісіне берілген жан. Жұмысына өте жауапты. Еңбекте адал. Қай шаруаны қолына алса да, оны түбіне дейін жеткізбей көңілі көншімейді. Өмірден көрген-түйгенімен, еңбекте жинаған тәжірибесімен ылғи бөлісіп жүреді. Жастарды еңбекке баулып, өз ісінің маманы болуға тәрбиелеп келеді. Ұжымда құрметке ие, әріптестеріне сыйлы. Дауылбай Сағындықовтың Ақадыр сигнализация және байланыс мекемесінде менің Құлайғыр – Мойынты аралығындағы байланыс жөніндегі орынбасарым болып қызмет атқарып келе жатқанына биыл тура он бес жыл. Даукең сияқты еңбекте болаттай балқып, шойындай шыңдалған жандар бізге қымбат. Мұндай майталмандармен жұмыс істеудің өзі бір ғанибет», – деп ой бөліседі Ақадыр сигнализация және байланыс дистанциясының директоры Қуантай Мертайұлы.

Бүгінде екі ұл, екі қыз тәрбиелеп отырған Дауылбай ағамыз мектеп жасындағы ұлдарының бірі әке жолын қуып, теміржолшы болса деген арман-тілегі бар екенін де жасырмады. Жазда саябақта отбасымен, ал қыста таза ауада серуендеп, кітап оқығанды жаны сүйетін кейіпкеріміздің өмірлік ұстанымы – марқұм әкесі өсиет еткендей, өмірде де, еңбекте де адалдықтың ала жібін аттамау. Бүгінде өсіп келе жатқан жасөспірім ұлдарына өзі де өсиет ететіні – осы.

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті