Қандыағашта қос вагон қараушысы апаттың алдын алды

ҚТЖ келбеті
16.06.2021, 19:46
Ардақ Ерубаева

Ақтөбе облысы бойынша меншікті тілші

Қандыағаш вагон пайдалану депосының қос вагон қараушысы апаттың алдын алды. Өте күрделі ақауға жататын дөңгелек дискісіне түскен сызат уақытында анықталып, вагон қараушылардың жауапкершілігі мен кәсіби шеберлігі жоғары бағаланды. Қандыағаш станциясының вагон қараушылары Серік Нұранов пен Алматжан Аманжолов станцияға тоқтаған жүк пойызына техникалық тексеру жүргізу кезінде ақауды анықтаған. Вагон жеке компанияға тиесілі. Сызат түскен дөңгелектер 1990 жылы жасалған. Қазіргі уақытта ақау анықталған компанияның басқа вагондарына да тексеру жұмыстары жүріп жатыр. Ал қауіпті ақауды анықтаған тәжірибелі теміржолшылар марапатқа ұсынылды. Серік Нұранов Қандыағаш вагон пайдалану депосында 28 жылдан бері еңбек етеді. Ол еңбек жолын жылжымалы құрамды жөндеуші слесарь болып бастаған. 2006 жылдан бастап техникалық қызмет көрсету бекетінде вагон қараушы-жөндеуші. Алматжан Аманжолов та салада 30 жылдан аса еңбек етеді. Жұмысын мойынтіректі жөндеу бойынша токарь болып бастап, кейін вагон қараушы-жөндеуші болып ауысқан. Қос теміржолшы да қол жеткізген жетістіктерін мақтаныш санамайды. Күнделікті жұмысымыз, міндетіміз деп біледі. «Компанияны шығынға ұшыратпай, апаттың алдын алуға үлес қосқанымызға қуаныштымыз. Кез келген үлкен жетістіктің артында адам тұрады. Сондықтан әр теміржолшы темірдей тәртіпке бағынады. Қауіпсіздікке жауапкершілікпен қарау – міндетіміз», – дейді вагон қараушы Серік Нұранов. ЕҢБЕК ҚОРҒАУ Қандыағаш вагон пайдалану депосы басшысының орынбасары Сәбит Наштаев техникалық қызмет көрсету бекетіндегі әрбір теміржолшының жауапкершілігі жоғары екенін айтты. «Ақау тіркелген вагонның жүк пойызы екенін ескерсек, екі вагон қараушымыздың жұмысы ерлікпен бірдей. Себебі бір вагоннан кеткен ақау толық құрамға зиянын келтіруі мүмкін еді. Қызметтерін жауапкершілікпен атқарып, қырағылық танытқан қос жігітімізді марапатқа ұсындық», – дейді Сәбит Наштаев. Қандыағаш техникалық қызмет көрсету бекетінде 200-ден аса адам еңбек етеді. Олардың 70 пайызға жуығы тәжірибелі вагон қараушылар. Қандыағаш техникалық бекеті жылжымалы құрамның Сағыз, Ақтөбе, Никельтау, Сексеуілге дейінгі аралықтағы қозғалысына жауап береді. Кластан тыс станция Атырау, Қызылорда, Орал, Қостанай секілді төрт облысқа пойыз жібереді.

«Қауіпсіздік техникасы бұл жай сөз емес. Теміржол саласында бұл күнделікті әдетімізге айналған өмір сүру дағдымыз. Стратегиялық аймақтағы әрбір мүлікті көзіміздің қарашығындай қорғаймыз. Себебі осы жолдан күніге мыңдаған жолаушы, жүк пойыздары өтеді. Жауапкершілік жоғары деңгейде талап етіледі», – дейді С.Наштаев.

Депода вагон қараушылардың білімін арттыру мақсатында техникалық сабақтар тұрақты өтеді. Қазір пандемияға байланысты оффлайн сабақтарға шектеу болса да вагон қараушыларға техникалық сабақтар тоқтаған жоқ. Айына екі рет білім жетілдіру мақсатында арнайы кестемен бекітілген техникалық сабақтар өтіп тұрады.

Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті
Аймақтар
17.10.2025
ШҚО теміржолшылары көмір қорын тексерді
Жаңалықтар
17.10.2025
Теміржолшы «Ерен еңбегі үшін» медалімен марапатталды
Жаңалықтар
17.10.2025
ҚТЖ электрмен жабдықтау шаруашылығында телемеханика жүйесін жаңғыртуда
Аймақтар
17.10.2025
Әлеуметтік ахуал – ерекше назарда
Аймақтар
17.10.2025
Теміржолшылардың отбасына алғыс хат табысталды
Аймақтар
17.10.2025
Атырауда теміржолшылар кәсіподақтың 120 жылдығын атап өтті
Әлеумет
17.10.2025
100 теміржолшы донор болды
Жаңалықтар / Мұрағат
17.10.2025
Қазақстан теміржолшысы газеті, №86 17 қазан 2025 жыл
Жүк тасымалы
16.10.2025
ҚТЖ Шығыс Қазақстанға көмірдің үздіксіз теміржолдық жеткізілімін қамтамасыз етеді
Жаңалықтар
16.10.2025
ҚТЖ-да жапондық Riken KOGYO компаниясы өкілдерімен кездесу өтті
Аймақтар
16.10.2025
Жамбылда экологиялық акция жалғасуда
Трансформация
16.10.2025
Тепловоздарды автоматтандыру процесі үздіксіз жүруде
Аймақтар
16.10.2025
Түбекке су жаңа тепловоздар келді
Қауіпсіздік
16.10.2025
Атырауда биыл 417 рет шұғыл тежеу қолданылған
Жаңалықтар
16.10.2025
ҚТЖ, ГТЖ және қазақстандық экспорттаушылар жаңа мүмкіндіктерді талқылады
Жаңалықтар
16.10.2025
ҚТЖ Жас кадрлар резервіне іріктеу жариялайды
Жаңалықтар
16.10.2025
Қара теңіз бен Каспий арасында жаңа контейнерлік бағыт іске қосылатын болды