Атырау магистральдық желі бөлімшесіне модульді үйлер жеткізілді
Атырау облысы бойынша меншікті тілші
Атырау магистральдық желі бөлімшесіне қарасты мекеме жұмысшылары үшін электр қазандықтарымен жылытылатын он жылыну қосыны жұмыс істеп тұр.
Биыл Компанияның жұмысшыларға әлеуметтік-тұрмыстық жағдай жасау бағдарламасына сай жылыну пункттерін қайта жасақтау жүргізілуде. Атырау өңіріне бес тонналық 95 контейнер жеткізіліп, Атырау жол дистанциясына 50 дана, Құлсары жол дистанциясына 45 дана контейнер бөлінді. Олар өңірдегі барлық станциялар мен разъездерге орналастырылып, қазіргі уақытта теміржолшылар игілігін көруде.
– Сонымен қатар өңірге модульді үйлер де жеткізіліп жатыр. Атырау жол дистанциясына – 13, Құлсарыға 4 осындай модульді үйшік жеткізілді. Олар Нарын, Махамбет, Қарабатан станцияларында және шағын бекеттерде орналастырылып жатыр, – дейді бөлімше басшысының өндіріс жөніндегі орынбасары Аманқос Жылқыбаев.
– Онда жатын бөлме, ас ішетін, жуынатын бөлмелер, теледидар да бар. Күні бойына далада жүретін жолшылар үшін бұл жақсы демалыс орны болатыны сөзсіз.
Жалпы алғанда, бұларға қоса аймақтағы 158 ғимарат, 18 вокзал мен 44 платформа қысты жақсы дайындықпен қарсы алуда. Барлық еңбек орындарында жылу тұрақты беріліп отыр.
