Семейде қалаішілік жаңа желінің құрылысы басталды

Аймақтар
20.06.2024, 13:01
Суретті түсірген автор
Қуаныш Қожаев

Абай облысы бойынша меншікті тілші

Өткен күзде Абай облысының орталығы Семей қаласында, нақтырағы Ертіс ортасындағы «Бейбітшілік» аралына пойыз қатынасын жүргізу бойынша тың жоба қолға алынған еді. Жуырда аталмыш жобаның екінші кезеңі бастау алып, құрылыс барысы қызу түсуде. 

Жалпы, аралда кеңес заманында балалар пойызы болған еді. Алайда, жаңа жобаның ауқымы кең, тек өскелең буынға ғана емес, жолаушы тасымалындағы күрмеулі мәселелерді шешуде қалалықтардың барлығына да ортақ игілік болмақ.  

Аталмыш жобаның бірінші кезеңі бойынша осыған дейін бұл аймақтың топографиялық картасы түзіліп, облыстық әкімдік электр энергиясымен жүретін заманауи «паровоз» да сатып алды. Оған лайықталған арнайы вагондардың қажетті бөлшектері де жеткізілді.  

– Өткен жылы жобаның алғашқы кезеңі бойынша жұмыстар жүргізген болатынбыз. Соның нәтижесінде арнайы тапсырыспен жылжымалы құрам бөліктері алынды. Оны құрастыру жұмыстарымен алдағы уақыттарда Ресейдің Удмуртия елінің жеке компаниясы айналысады. Ал қазіргі таңда жобаның екінші кезеңі бойынша нақты іс-шаралар қолға алынуда. Оның аясындағы жұмыстар осы жазда аяқталатын болады, – дейді бұл орайда мердігер компания жетекшісі Геннадий Пьянов.  

Ендігі аралықта рельстерді төсеу жұмыстары басталмақ. Қазіргі күндері мердігер компания байырғы балалар теміржолының ізі бойынша даярлық жұмыстарын жүргізуде. Теміржол төсемі салынатын аумақ қалың өскен ағаш пен көпжылдық бұталардан, шөптер мен күресінен тазартылып, тегістелуде. Айта кетерлігі, құрылысты жүргізетін компания әрбір шабылған ағаштың төлемі ретінде он данадан көшеттер отырғызуды да көздеп отыр.  

Айта кетсек, бастапқы жоба бойынша ерекше жылжымалы құрам Ертіс үстінен өтетін орталықтағы жаяу жүргіншілер көпірінен бастап, аралдағы барлық маңызды нысандар аралығында тұрақты қатынайтын болады. Соның ішінде балаларға арналған биологиялық орталық және аралдағы жағажай мен жеке сектордағы тұрғындарға да лайықты қызмет көрсетілмек.  

Пойыздың іске қосылуымен аралға қатынайтын автокөлік қатынасына шектеу қою шаралары көзделуде. Мақсат – қалалықтар мен шаһар меймандарының жиі ат шалдыратын демалыс орны, тарихи мәні бар арал табиғатын сақтап қалу.  

Ал жаңа желінің толықтай іске қосылуымен қала ішіндегі ішіндегі жолаушылар қозғалысы жандана түспек. Ол жылдың төрт мезгілінде де қызмет көрсететін болады. Ал жаңа жоба жүзеге асқан соң қозғалыс қызметі кластан тыс Семей станциясына, ал желі күтімі Семей жол дистанцияның қарамағына берілмек. Бұл, сөз жоқ, аталмыш мекемелердің қызметін кеңейте түсетін болады.  

 

Жүк тасымалы
25.07.2024
ЕАЭО елдері теміржол көлігін дамыту мәселесін талқылады
Жүк тасымалы
25.07.2024
Атырауда жүк тасымалы межеден асып түсті
Әлеумет
25.07.2024
Қызылордалық 20 бала «Туған жерге саяхат» турымен Астанаға аттанды
Темір жол тарихы
25.07.2024
Паровоз тізгіндеген қазақ қызы
Жолаушылар тасымалы
24.07.2024
Пойызға билетсіз мінгізгені үшін жұмыстан шығарылды
Жаңалықтар
24.07.2024
Құрық теңіз порты мен Транскаспий халықаралық көлік бағытын байланыстыратын жол күрделі жөндеуден өтті
Жаңалықтар
24.07.2024
Кірме жолдарды мемлекеттік меншікке беру рәсімі аяқталды
Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды