Қыстың алғашқы сынағы

Аймақтар
14.11.2024, 09:09
Суретті түсірген автор
Қуаныш Қожаев

Абай облысы бойынша меншікті тілші

«Қараша, желтоқсанмен сол бір-екі ай, қыстың басы бірі ерте, біреуі жай» деп Абай суреттеген «кәрі құда» – қаһарлы қыстың алғашқы сынағы шығысқа келіп жетті. Теміржолшылар жұмысы күшейтіліп, қырағылық арттырылуда.  

Қарашаның екінші онкүндігінен бастап Семей өңіріне қар мен жаңбыр қатар жауып, одан соң ақ түтек боран соғып, соңы аязға ұласты.  Күннің күрт құбылуы жергілікті теміржолшылар үшін таңсық емес, әйтсе де биылғы қыстағы алғашқы емтиханды ойдағыдай өткізуге барын салуда. Алғы шепке қашанғы әдетпен жолшылар шықты. ПЧ-40, ПЧ-39 еңбеккерлері бағыттамалы бұрмалар мен түйіспе жолдарды, желі бойындағы құрылғыларды қатқан мұзбен қардан тазартуға кірісті. Түнгі мезгілде ауа температурасы күрт төмендеп, күн райы құбылмалы болып тұр. Ал «Қазгидромет» РМК синоптиктерінің ел шығысы бойынша биылғы қысқа жасаған болжамы көңіл көншітпейді. Табиғаттың тосын тартуларына даяр болу қажет.

Осы апта Жарма өңірінің теміржолшылары үшін біршама ауыртпашылық әкелді. Жаңғызтөбе станциясында қарлы боран бос тұрған вагондарды теңселтіп, теміржолшылар тосын жайттың алдын алу үшін бірқатар шараларды қолға алды. Жергілікті қозғалысшыларда бұл бағытта мол тәжірибе бар.

Қарашаның 11-нен бастап арнайы қар тазалағыш жол машиналары да жұмысқа кірісті. Әсіресе Риддер, Шемонайха, Күмістау сынды Алтай тауының баурайында, шалғай орын тепкен станцияларда қарқынды жұмыс істеуде. Қазіргі таңда қар түскен қумажолдар мен жол айрықтары тазартылу үстінде. Бұл бағытта ПЧ-37 жолшылары ұйымдасқан түрде күш жұмылдырып жатыр. Желі бойындағы жүк және жолаушы тасымалы бойынша пойыз ағынына кедергі жоқ.  

Жалпы, магистраль бойын, бағыттамалы бұрмаларды тазалау және оларды қар мен боран кезінде тиімді пайдалану үшін арнайы техникалар, жол машиналары бөлімше бойынша ұтымды орналастырылған. Сондықтан негізінен таулы аймақ саналатын Өскемен өңірі бойынша қар тазалау қарқынды жүргізілуде.  

Биылғы қатал маусымға даярлық барысында аталмыш техникалардың 13 бірлігі толыққанды әзірленген еді. Сол тәрізді ағымдағы жылы арнайы тепловоздар бекітілетін ФРЭС-2, ЭСО-3 типтегі заманауи қар жинағыштар да сынақтан сәтімен өткізілген. Сонымен қатар  бөлімшедегі СМ-2, СМ-7Н, СМ-5, ПСС-1 сынды қар тазалағыш техникалармен қар жинағыш пойыздардың да тиімділігі зор болмақ.    

– Біз күзгі комиссиялық бақылау кезінде қысқа даярлық барысын бірінші кезекте пысықтадық. Қажетті техниканың барлығы жұмыс жағдайында тұр. Байтақ желі бойындағы қар алып қалуы мүмкін күрделі аумақтар назарда, – дейді бұл орайда Семей ЖТ бөлімшесінің директоры Алмас Сейсемқанов.

Айтпақшы, қыстың алғашқы аязды күні тоқсанаралық тексеру жұмысының басталуымен дөп келді. Сол себепті  985 шақырымды құрайтын телімнің бойы тағы бір мәрте сүзгіден өткізілуде. Әуелгі кезекте Жаңа-Семей станциясы тексерілді. Сосын 119 шақырымды қамтитын «Солтүстік тармақ» Семей-Локоть теліміндегі барлық шаруашылықтардың жұмысы қаралуда. Тексеру іс-шаралары екі аптаға созылып, оның нәтижесі бойынша тиісті шешімдер қабылданатын болады.  

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті