Цифрлық трансформацияға жол ашқан майталман маман

Лаура Әлібекова бүгінгі Семей теміржолында елеулі еңбегі бар біліктілігі жоғары маман. Бөлімшедегі АСУ бөлімінің бастығы қызметтік саланы автоматтандыру ісінде айтулы үлес қосып, жұмыс процесін оңтайландыру жолында елеулі табыстарға жете білді.

Лаура Рақпайқызы өндіріске енгізген бағдарламалық өнімдер мен тың технологиялық шешімдер бөлімше көрсеткіштерінің артып, тіпті, компанияның табысымен тұрақтылығына да кепіл болды.

Десекте, уақытқа жетер жүйрік жоқ, ұжымына ерекше қадірлі майталман маман, білікті басшы бүгіне зейнет жасына да аяқ басты.  

Осынау орайда, жуырда Лаура Рақпайқызын zoom платформасында өткізілген кезекті онлайн жиында байтақ республиканың әр түкпіріндегі, яғни, өзге бөлімшелердегі АСУ бөлімдері басшылары мен бөлімше басшыларының АСУ бойынша орынбасарлары салтанатты түрде құттықтады. Дәл осынау сәтте ыстық ілтипаттың белгісіндей арнайы гүл шоғы да табыс етілді. Мұндай күтпеген жайт туған күн иесі үшін ерекше құттықтау, тосын сый болды.

Лаура Әлібекова 1986 жылы Алматыдағы теміржол институтын тамамдаған соң бірден Семей теміржолына жұмысқа орналасып, содан бері міне, табаны күректей 39 жыл бойы үзіліссіз еңбек етіпті.  

Ал бөлім бастығы қызметінде жүріп Семей ЖТ бөлімшесі бойынша цифрландыру, жаңа ақпараттық технологиялар игілігіне сүйену ісінде бірқатар жаңа жобалардың сәтімен жүзеге асуына мұрындық болды. Кейбір бағдарламаларды, құжаттандыруды күн талабына орай сандық форматқа ауыстырып, өндірісті, техникалық процесс барысын толықтай автоматтандыру ісіне жетекшілік етті. Осылайша «ҚТЖ» ҰК» АҚ-ның «Цифрлық трансформация» бағдарламасының Семей теміржолында нәтижелі түрде іске асуына айтулы үлес қосты.  

Еселі еңбегі үшін түрлі марапаттарға ұсынылды. "Адал еңбегі үшін" төсбелгісін бір емес, бірнеше мәрте өңіріне тақты.

Жетістікті еңбек әлбетте ұжым мүшелерінің көз алдында. Осынау орайда Лаура Әлібекқызы қандай құрметке болмасын лайық жан. Бөлімше басшылығы, филиал бастығының АСУ бойынша орынбасары Ерғазы Жұмаділов бастаған барша әріптестері ардақты жанның туған күніне орай салтанат гүлін де табыс етті.  

Қазіргі таңда құрмет иесіне "ҚТЖ-Жүк тасымалы" ЖШС басшылығынан құттықтау адресаттары келіп жатыр.