Депутаттар семейлік теміржолшылармен жүздесті

Аймақтар
22.07.2019, 11:17
Қуаныш Қожаев

Абай облысы бойынша меншікті тілші

Семей ЖТ бөлімшесіне ҚР Парламент Мәжілісінің депутаттары Василий Олейник пен Геннадий Шиповских арнайы келіп, жергілікті теміржолшылар қауымымен кездесу өткізді.

Мақсат – сала қызметкерлерін Үкімет отырыстарында қабылданған заңдармен таныстырып, еліміздің даму стратегиясының басымдықтары жайында мағлұмат беру, сондай-ақ, теміржолшылар көкейінде жүрген сауалдарға жауап қайырып, ұсыныс-тілектерін тыңдау, өзекті мәселелерді бірлесіп талқылау, ой бөлісу болатын.

Бөлімше басшысы, қалалық мәслихат депутаты Марлен Көкрекбаев жиналғандарды қонақтармен таныстырып өткен соң Парламент депутаттары сөз алды. Геннадий Геннадиевич Мемлекет басшысының өмір сапасын арттыру, әлеуметтік қолдау туралы тапсырмасына сай, әлеуметтік салаға баса көңіл бөлу жайын сөз етті. Атап айтсақ, ортаға салынған мәселенің бірі, теміржолшылар тұратын көпқабатты үйдегі лифт мәселесі болды. Бұл ретте, сала қызметкерлерінің атынан арнайы хат әзірлеу арқылы жергілікті бюджеттің қаржысына бұл нысанға күрделі жөндеу жүргізу туралы жан-жақты сөз қозғалды. Василий Олейник сала қызметкерлерінің әлеуметтік мәселелерін шешуде барлық мүмкіндіктерді жан-жақты қарастыру керектігін, өз тараптарынан да елеулі түрде көмек болатынын жеткізді.

Бұдан өзге қала ішіндегі теміржол желісі бойындағы қауіпсіздік мәселесі көтерілді. Әсіресе, ірі сауда орындары мен оқу орындары маңайындағы ахуал алаңдатуда. Яғни, аталмыш аумақтарды эстетикалық талаптарға қайшы келмейтіндей етіп қоршау керек. Бұл ретте сөз алған бөлімше басшысы Марлен Кәрімұлы бүгінде осы мәселенің көптеген бөлімшелер үшін маңызды екенін айта келіп, оны шешу жолында мемлекет тарапынан қандай да бір бағдарлама қабылдауды қарастыру туралы ұсыныс білдірді. Геннадий Геннадиевич қала ішіндегі желіні қоршау туралы бірінші кезекте облыс, қала әкімдігімен келіссөз жүргізіп, жергілікті бюджеттен қаражат қарастыру керектігін, нақты шешім табылмаған жағдайда өзге қалалардың тәжірибесіне сүйене отырып, жан-жақты қарастырып шешу керектігіне тоқталды.

Кездесу барысында теміржолшылар қауымына әлеуметтік қамқорлық жасау тақырыбында теміржолшылар кәсіподағы ұйымының төрағасы Алик Досанов та бірқатар өзекті сауалдар қойып, жауап алды. Жиын барысында сонымен қатар қозғалыс қауіпсіздігі, пойыздардың келу-кету кестесі, т.б. тақырыптары да сөз болды. Парламент Мәжілісінің депутаттары бірқатар маңызды сауалдарды қойын дәптерлеріне түртіп алды. 

Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды