Қыстан қысылмайды

Аймақтар
19.11.2019, 11:23
Қуаныш Қожаев

Абай облысы бойынша меншікті тілші

Ел шығысындағы іргелі мекеме Аягөз жол дистанциясы биылғы жылы еңбек жағдайын жақсарту мен санитарлық-сауықтыру сынды шараларды ұйымдастыруда іргелі табыстарға жетті. Сондықтан, аягөздік жолшылар алдағы қыстан еш алаңсыз, сақадай сай дайындықпен келді.

Жол шаруашылығында алар үлесі зор Аягөз жол дистанциясы (ПЧ42) басшылығы еңбек жағдайын жақсартуға ағымдағы жылға бөлінген қаражатты толықтай игеріп, жолшылар игілігіне жаратуда. Мәселен, биылғы 9 ай ішінде 5 542 мың теңге орнымен жұмсалып, соның нәтижесінде қызметтік өткелдер мен қажетті құрылғылар толық жөндеуден өткізілген. Оның ішінде жол шаруашылығына қажетті құралсаймандар салатын стеллаждар жасау мен домкрат, газ баллондары мен рельс арқылы қажетті құрылғыларды тасымалдайтын тележкалар алынған.

Сол тәрізді жол шеберлерінің ұсынысымен Ақтоғай-Аягөз-Жарма телімдері аралығында қауіпсіздік белгілері бастан-аяқ жаңартылған. Станциялар басындағы маневрлік тепловоздарға да ескертпе белгілер ілініпті. Бұған қоса, желі бойына іргелес жылыну үйшіктері мен жолшылар қосындарының қауіпті тұстары қоршалып, күрделі жөндеуден өткізіліпті.

Бұл бағытта жолшылар қауымы жаз мезгілінде жұмыс жүргізіп, қысқа даярлық қамын жасап алған болатын.

– Осы шаралармен қатар, электрлі құрылғылар қауіпсіздік талаптарына сай қайта жабдықталды. Өрт қаупін азайту мақсатында көпшілік нысандардағы кабельдер қайта ауыстырылған. Соның аясында автобудкалар мен желі бойындағы жылыну пункттері, қоймалардағы электр желілері тексеруден өткізіліп, әрленіп, сырланды. Мұны да жолшылар қауымы өз күштерімен жүргізіп, межелі мерзім ішінде аяқтап шықты. Бөлінген қаржы 100 пайыз игерілді, – дейді Аягөздегі ПЧ-42 еңбекті қорғау жетекші инженері Еркін Кенжеғұлов.

Қыс мезгілі қатал сынаққа толы Шығыс өңірінде жолшылар үшін жол техникаларының қажеттілігі орасан. Сол себептен де, жүргізілген жұмыстардың сыртында қысқы уақытта жұмыс істейтін жол машиналары жылытылып, санитарлық нормаларға сай жөндеуден өткізілген. Атап айтсақ, ауыр типті машиналар мен дрезиналар, тракторлар кабиналары қатал қысқа күні бұрын толықтай әзірленді. Айта кетерлігі, осыған дейін аягөздік жолшылар қауымын қысқы мерзімдегі арнайы киіммен қамтуда біршама проблема туындап келген болатын. Биылғы жылы ол кемшіліктер түбегейлі жойылған. Жылы костюмдерден – 200, құлақшын – 115, таза теріден тігілген жылы етіктерден 75 жұп және жүз жұп пима алыныпты. Мұнымен қоса, жылы плащ пен х/б костюмдерден 300 бірлік жеткізілген. Жылдағыдан бір өзгешелік – сигналды жилеттен биыл мол көлемде келіп, оған қосымша медициналық аптечка да алынған.

– Қазіргі күні қысты алғаш рет желі бойында өткізетін мамандармен жұмыс жүргізіп жатырмыз. Дистанциядағы 12 адамға №235 бұйрыққа сай тәжірибелі мамандар бекітіліп берілді, – дейді ПЧ-42 мекемесінің басшылығы.

Байқағанымыздай, жұмыс орнын дағы қолайлылық арттырылып, еңбек жағдайы жақсартылған соң жолшылар қауымының да қызметке құлшынысы жоғарылап, көңіл күйлері көтерілген. Табиғаты аса қатаң аймақ саналатын Аягөз өңірінде қысқы мезгілде тосын жайттар аз болмайды. Ондайда алдыңғы шепте жолшылар қауымы жүретіні белгілі. Десек те, қызмет барысын оңтайлы ұйымдастыру нәтижесінде болса керек, биылғы жылы оқыс жағдай, өндірістік жарақат алу сынды фактілерге жол берілмепті.

Мамандардың айтуынша, қалың түскен қармен алғашқы аязға қарамастан жергілікті сала қызметкерлері жағдайды тұрақты өткізуде. Алаңдатарлық жағдай туындаған жоқ. Қозғалыс барысы кедергісіз. «Қыс шанаңды жаз сайла!» демекші, мұның барлығы жаз бойғы жүргізілген қатал маусымға даярлық шараларының оң нәтижесі екені сөзсіз. Ең бастысы, қыстан қысылмайды.   

Қауіпсіздік
14.05.2025
20 мыңнан астам азаматқа теміржолдағы қауіпсіздік ережелері түсіндірілді
Әлемде
14.05.2025
Қытайда сутегімен жүретін пойыз алғаш рет жолға шықты
Жаңалықтар
14.05.2025
Мас жолаушы пойыздың тоқтау-кранын жұлып алып, тоқтауына себеп болды
Жаңалықтар
14.05.2025
Қытай Қазақстанға алғашқы CEA1 магистральдық электровозын жеткізді
Жүк тасымалы / Апта саны
13.05.2025
ҚТЖ желісінде жүк тасымалы 4,5%-ға артты
Сұхбат
13.05.2025
Қанат ӘЛМАҒАМБЕТОВ: «Шиеленісті жағдайды уақытылы шешуге мүдделіміз»
Аймақтар
13.05.2025
Ғибратты ғұмыр
Аймақтар
13.05.2025
Жүз жасаған кейуана
Станция тынысы
13.05.2025
Болашақ станциясы өсім жолында: жаңа дәреже – жаңа міндеттер
Аймақтар
13.05.2025
Теміржолшылар Жеңіс күні бірлік пен рухты паш етті
Жаңалықтар / Мұрағат
13.05.2025
Қазақстан теміржолшысы газеті, №36 13 мамыр 2025 жыл
Жүк тасымалы
12.05.2025
Қытайдан Орталық Азия елдеріне контейнерлік тасымал 104%-ға өсті
Жаңалықтар
12.05.2025
Қазақстан бидайы алғаш рет БАӘ нарығына шықты
Жаңалықтар
12.05.2025
Алты ел еуразиялық дәлізді қалыптастыру барысын талқылады
Спорт
12.05.2025
Бес вагон сүйреп рекорд орнатты
Аймақтар
12.05.2025
Шымкент вокзалы маңындағы алып сағат қайта іске қосылды
Жүк тасымалы
12.05.2025
Қазақстан, Өзбекстан және Тәжікстан теміржолшылары жүк тасымалдау көлемін ұлғайтуды талқылады
Әлемде
12.05.2025
Қырғызстанда Қытай – Қырғызстан – Өзбекстан бағыты бойынша алғашқы тоннельдің құрылысы басталды
Әлемде
12.05.2025
CAF компаниясы жаңа Oxygène электр пойызын таныстырды
Жаңалықтар
10.05.2025
Павлодарлық теміржолшылар ардагерді Жеңіс күнімен құттықтады