Шымкентте жүк тасымалдау жоспары толық орындалмай тұр
Шымкент қаласы бойынша меншікті тілшісі
Биылғы жылдың алғашқы жартыжылдығын қорытындылаған Шымкент жүк тасымалы бөлімшесінің көрсеткіші жүк тасымалының жекелеген түрлері бойынша жоспардың межеге жетпей отырғанын байқатты. Айталық, жыл басынан бергі алты айда жоспар бой- ынша 80 838 вагон, яғни 4 787 мыңнан астам тонна жүк тиеліп, жоспар 86,8 % орындалған. Өткен жылы дәл осы уақытта 84 329 вагон немесе 4 997 тоннадан асқан. Ал техникалық жоспарды 95,5 пайызға орындапты. Жарты жылдағы статикалық жүктеме СД жоспары бойынша 59,23 тоннаны құрап, 101 пайызға жетті. Өткен жылғы көрсеткіш те 59,26 тоннаны құраған. Сондай-ақ жыл басынан бері жарты жылдықтағы жүк тиеу көрсеткіштеріне, оның ішінде мұнай және астық өнімдеріне тоқталсақ, 33486 вагон немесе 1829313 тонна мұнай және мұнай өнімдері артылған. Астық 238 вагон, 14916 тонна болса, ұн өнімдері 1919 вагон, 130413 тоннаны құрады. Жалпы, осы аталған үш өнімді қосқанда 80838 вагон, 4787862 тонна жүк артылған. Бұл жоспардың 95 пайызға орындалғанын көрсетеді. Дегенмен, жүк тасымалы екінші жартыжылдықта есе- лене түсетінін ескерсек, шымкенттіктер де алғашқы жартыжылдықтың есесін жылдың екінші жартысында қайтаруға бел буып отыр.