Шымкент жүк тасымалы бөлімшесінде жарты жылда 4 қауіпсіздікті бұзу фактісі тіркелген

Шымкент жүк тасымалы бөлімшесінде өткен жартыжылдықта төрт қауіпсіздікті бұзушылық жағдайы орын алған, деп хабарлайды Rail-news.kz. Бұл өткен жылмен салыстырғанда екі жағдайға кеміген, яғни 2020 жылы қауіпсіздікке нұқсан келтіретін 6 жағдай тіркелген. Жалпы биылғы алты айда пайдалану санды-сапалы көрсеткіштерін көтеру, қозғалыс қауіпсіздігін қамтамасыз ету бойынша бөлімше оң нәтижеге қол жеткізді. Жүк айналымы жоспар бойынша 4 млн 928 ткм нетто болса, іс жүзінде 4 млн 982,8 ткм нетто құрап 101,1%-ға орындалды. Өткен жылмен салыстырғанда жүк айналымы 105,2%-ға орындалған. Бос вагондардың тиелген вагондарға қатынасы 115,6%-ды құраған. Ол өткен жылмен салыстырғанда 119,3%-ға орындалған. Локомотивтiң ортатәуліктегі өнімділігі жоспар бойынша 1 млн 171 мың ткм брутто болса, іс жүзінде 1 млн 263 мың ткм брутто немесе 107,9%-ға орындалған, өткен жылмен салыстырғанда 107,1%-ға орындалған. Локомотивтiң орта тәуліктегі жүрiсi жоспар бойынша 581,8 км болса, іс жүзінде 602,3 км-ге немесе 103,5%-ға орындалды, өткен жылмен салыстырғанда 101,8%-ға орындалған. Тиелген вагонның статикалық жүктемесі жоспар бойынша 57,94 тонна болса, іс жүзінде 59,23 тоннаны құрап, 102,2%-ға орындалды.