ҚТЖ ардагерлері Жаңа жыл қарсаңында спорттық рухтарын көрсетті
Жаңа жыл қарсаңында «Қазақстан темір жолы» ҰК» АҚ-да теміржол саласының ардагерлері арасында спорт фестивалі өтті. Оған өз өмірін елдің көлік жүйесін дамытуға арнаған сала ардагерлері қатысты, деп хабарлайды Rail-news.kz.
Жарыс ерлер мен әйелдер арасында дойбы, шахмат, дартс және үстел теннисі спорт түрлері бойынша өтті. Бұл ойындар спорттық құмарлықтың көрінісі ғана емес, сонымен бірге берік достықтың, құрмет пен ұрпақтар сабақтастығының символына айналды.
Құрметті ардагерлер үшін мерекелік фуршет ұйымдастырылды. Жеңімпаздарға сыйлықтар, сондай-ақ барлық қатысушыларға – жаңа жылдық дастарханға арналған азық-түлік себеттері табысталды. ҚТЖ теміржол саласын дамытуға қосқан үлесіне құрмет көрсете отырып, өз ардагерлерін үнемі қолдап келеді.
Фестиваль қатысушыларға жарқын көңіл-күй, қарым-қатынас пен жылулық атмосферасын сыйлады, бұл жаңа жылдық мерекелердің тамаша бастамасы болды.