Мерекелік көңіл-күймен...
"Қазақстан теміржолшысы" газетінің Жамбыл облысындағы меншікті тілшісі
Жамбыл жүк тасымалы бөлімшесі кәсіподақ ұйымының ұйымдастыруымен шахмат пен дойбыдан музейде өткен ардагерлер сайысы баршаға мерекелік көңіл күй сыйлады.
– Алдағы жаңа жыл қарсаңында ардагерлер басқосуы ерекше көңілді өтті. Дойбыдан алдымен бірінші және екінші топтағы ойыншылар арасында үздіктерін анықтадық. Ал шахматтан 4 адам финалдық кезеңге өтті. Ақыл-ой жарысында мықтыларды анықтау оңайға соқпайды. Бір жылда кемінде шахмат пен дойбыдан 3-4 рет турнир өткізіледі. Қарсыластар бір-бірінің тактикаларын біледі, 4-5 жүріспен партияны өз пайдасына шеше салмайды, – дейді Жамбыл жүк тасымалы бөлімшесінің спорт жөніндегі нұсқаушысы Евгений Тян.
Жарыс қорытындысында шахматтан В.Устинов жеңіске жетті. Екінші орынды А.Нұрбаев еншілесе, үздік үштікті А.Нұртаев түйіндеді. Дойбышылар арасындағы бәсекеде қарсылас шақ келтірмейтін мықты ойыншы В.Устиновтың жолы болды. А.Қрымбаев жүлделі екінші орынды, С.Русин үшінші орынды иеленді.