Шахматтан балалар арасында онлайн жарыс өтті
Шымкент қаласы бойынша меншікті тілшісі
Жуырда «Мерей» шахмат мектебі балалар арасында шахматтан біліктіліктен турнир өткізді. Оған теміржолшылардың балалары да қатысып, жүлделі орын алды. «Мен 8 жастамын, Арыс қаласында тұрамын. Әкем теміржолшы, ал анам әскери қызметте. Мен 2-сыныпты бітірдім. Шахмат ойнағанды жақсы көремін. Алайда 1-турнирде жеңіліп қалып, екінші орын алдым. Дегенмен, келесі жарыста қалай да 1-орын алуға тырысамын», – деді Амина Бекмырза. Ал 15 жасар Костя Зубарев Шымкент қаласында тұрады. «Менің арғы аталарым, әжелерім теміржолшы болған. Шахматпен тыңғылықты айналысып жүргеніме бірнеше жыл. Осы жарысты ұйымдастырушыларға көп рахмет. Бұл мен үшін үлкен тәжірибе болды. Жарыста бірінші орын ала алмай қалдым. Бірақ алдағы уақытта қандай қателіктер жібермеу керектігін білемін және шахматпен терең айналысамын. Мен үшін бастысы алға ұмтылатын мақсатым бар», – дейді жас ойыншы. Айта кетейік, шахматтан өткен турнир онлайн форматта ұйымдастырылды.