Ақсу-Дегелең: ел сенімін ақтаған жоба

Станция тынысы
16.04.2021, 18:08
Қуаныш Қожаев

Абай облысы бойынша меншікті тілші

Жалпы ұзындығы 184 шақырымды құрайтын, республикамыздың солтүстігін шығысымен жалғайтын Ақсу-Дегелең магистралі – ел Тәуелсіздігінің алғашқы қарлығашы. Егемендіктің еңсесі әлі тіктеліп үлгермеген жылдары салынған тұңғыш теміржол бірінші кезекте отандық теміржолшылардың жеңісі болды. Иә, жаңа тармақтың ашылу салта- натына Тұңғыш Президент Нұрсұлтан Назарбаев арнайы қатысып, қарапа- йым теміржолшылар еңбегіне сүйсініс білдірген. Расында, «ҚТЖ» ҰК» АҚ басшылығының аталмыш телімді салу туралы бастамасы Елбасының ұсыны- сымен астасып, Тәуелсіздіктің алғашқы жылдарының жарқын ескерткіші болып қалыптасты. Құрылыс барысын Ұлт Көшбасшысының өзі қадағалап, қолдау білдіріп отырғаны да бүгінгі ардагер- лердің жадында. – Бұл телімнің бізге берері сол, екі ірі өндірістік қала Павлодар мен Семей арасы 600 шақырымға қысқарып, жол жүру уақыты 10-12 сағатқа күрт азайды. Осылайша экономикалық тұрғыдан көл-көсір пайдаға да кенелдік. Әсіресе, аймақтағы елішілік жолаушылар үшін ақжолтай жаңалық болды. Жаңа телім ашылғанға дейін Павлодардан Семей арасында қатынау үшін шекараны кесіп, Ресейдегі Құлынды, Локоть станциялары арқылы айналып жүруге тура келетін еді. Жолаушылар мен жүк тасымал- даушылар қаражаты, уақыты үнемделді. Қос аймақтағы өндіріс пен кәсіпорындар тыңнан күш алды, – дейді осы кезең жайлы естелікпен бөліскен «ҚТЖ» ҰК» АҚ басқарма төрағасы жанындағы консультативтік кеңес мүшесі, Семей ЖТ бөлімшесінің ардагерлер кеңесінің төрағасы Қырықбай Әлсейітұлы. Жүк тасымалынан бөлек 2002 жылдан бастап Семей станциясы арқылы Павлодар-Алматы жолаушылар пойызы тұрақты түрде қатынай бастады. Соның нәтижесінде оңтүстік астанадан Павлодарға қатынайтын жолаушылар уақыты 12 сағатқа дейін қысқарды. Әрі тұрғындар саны мол Курчатов қаласы, Май, Ақсу аудандарының тұрғындары ерекше қуанышқа бөленді. Бүгінгі теміржол саласы ардагерлерінің айтуынша, сол жылдардың өзінде-ақ теміржол қыз- метін айына 70 мыңнан аса жолаушы пайдаланыпты. Тағы бір маңыздылығы сол, жаңа телім бойынша қосымша көптеген жұмыс орындары ашылды. Атап айтсақ, Известковый, Көл, Талды, Ақсу-2, Көктөбе, Құркөл, Май, Жұмыскер стан- циялары бой көтеріп, жұмыс жанданды. Семей ядролық сынақ полигонының жабылуымен тоқырап қалған Конечная станциясы өзінің тарихи Дегелең атауын қайтарып, қайта түледі. Қазіргі таңда Семей теміржолы бойынша учаскелік станция саналатын 2-ші класты Деге- лең станциясындағы теміржолшылар отбасының саны жүзден асты. Станция басында қосымша кірме жолдар мен қабылдап-жөнелту жолдары салынды. Бүгінгі таңда Ақсу-Дегелең аралығын- да транзиттік 5 жұп пойыз өтеді. Яғни, пойыз айналымы бойынша тәуліктік жүктеме күрделілік туғызбайды. Әйт- се де, ауыр салмақты 6 200 тонналық 63 вагоннан тұратын жылжымалы құрамдар жолға шығарылатындықтан да телім бойындағы станцияларда жұмыс барысы қауырт. – Дамыған мемлекеттердің бар- лығында да бірінші кезекте жолға мән беріледі. Ел әлеуетіне қарқын алдыру үшін де жол төсейді. Бұл орайда аға буын теміржолшылар салып кеткен Ақсу-Дегелең теміржол тармағы Тәуел- сіздіктің 30 жылы ішіндегі ең көрнекті құрылыс, экономикалық тиімділігі аса зор жоба болғаны анық, – дейді бұл орайда Дегелең станциясының білікті басшысы Талғат Баширов.

Жаңалықтар
01.08.2025
ҚТЖ-ның үздік қызметкерлері мемлекеттік және ведомстволық наградалармен марапатталды
Аймақтар
01.08.2025
Қызылорда теміржолының шежірелі жолы мен жаңа жетістіктері
Аймақтар
01.08.2025
Ерен еңбек еленген күн
ҚТЖ келбеті
01.08.2025
Маңғыстаулық машинист Президент қолынан мемлекеттік награда алды
Жаңалықтар
01.08.2025
ҚТЖ басқарма төрағасы қызметкерлерді теміржолшылар күнімен құттықтады
Жаңалықтар
01.08.2025
Көлік саласы қызметкерлеріне мемлекеттік наградалар табыс етілді
Жаңалықтар
01.08.2025
Мемлекет басшысы көлік саласының қызметкерлерін марапаттады
Жаңалықтар
01.08.2025
ҚТЖ «HR-бренд 2025» байқауында жүлделі орынға ие болды
Аймақтар
01.08.2025
Кәсіби мерекеге тарту
Аймақтар
01.08.2025
Сын сағатта сыналғандар
ҚТЖ келбеті
01.08.2025
Темір жолдың темірдей тәртібінде шыңдалған ер
ҚТЖ келбеті
01.08.2025
Құрметке лайық Күнсұлу
Аймақтар
01.08.2025
Мамандық таңдау – маңызды қадам
ҚТЖ келбеті
01.08.2025
Теміржолшының сергектігі – жүздеген жолаушының амандығы
ҚТЖ келбеті
01.08.2025
Байланыстың бапкері
ҚТЖ келбеті
01.08.2025
Алғыс арқалаған жолсерік
Жүк тасымалы
01.08.2025
«ҚТЖ» – Еуразиялық транзиттік дәліздердің негізгі драйвері
Аймақтар
01.08.2025
Сенат депутатымен кездесу өтті
Жаңалықтар / Мұрағат
01.08.2025
Қазақстан теміржолшысы газеті, №59-60 01 тамыз 2025 жыл
Темір жол тарихы
31.07.2025
Темір жол тарихы жайлы жаңа кітап жарық көрді