Весна станциясы Ақжолтай болып өзгерді

Станция тынысы
15.07.2021, 10:58
Асхат Райқұл

Мойынтыдан ары, Сарышағаннан бері орналасқан станцияның атауы кешегі жылдың соңына дейін «Весна» болған. Елеусіздеу жатқан бекеттен солтүстіктен оңтүстікке, оңтүстіктен солтүстікке ағылған жолаушы, жүк пойыздарының бәрі өтеді. Енді станция атауы «Ақжолтай» болып өзгерді. Рас, бұл жағымды жаңалықты өткен жылдың соңына таман сүйіншілеген болатынбыз. Алайда, осы атауды өзгерту үшін де біршама тер төгілді. Жұмабай Асанов – 1986 жылдан бастап, 2019 жылдың қыркүйек айына дейін отыз үш жыл бойы осы станцияны басқарған теміржолшы. Міне, осы азаматтың бастамасымен «Весна» станциясы «Ақжолтай» болып өзгерді. «Бәрімізге белгілі, кеңес заманында орыстар қойып кеткен «Весна» атауын қазақшаласақ, көктем. Бірақ бұл біздің өңірдің табиғатына да, ауа райына да келмейді. Сондықтан көп ойланып, жүз толғанып, станцияның атауын ауыстыруға ұсыныс жасағанды жөн көрдім. Оның үстіне, сол тұста Тұңғыш Президентіміз Нұрсұлтан Назарбаевтың «Рухани жаңғыру: болашаққа бағдар» атты бағдарламалық мақаласы халық арасында қызу талқыланып жатқан. Ұлттық кодымызды жаңғыртып, құндылықтарымызды салмақтай түсу қажеттігі айтылған құжат аясында алғашқы шаруалар да атқарылып жатқан еді. Осы тұрғыдан да біздің бекетімізге өзгеріс қажет болды», – дейді Жұмабек Жолдасбайұлы. Ал Ақжолтай атауы қайдан алынды? Станциядан 120 шақырым қашықтықта Мойынты станциясы орналасқан. Одан бері 70 шақырым қашықтықта Орта жүзден шыққан батыр Ағыбай баба- мыздың атында ауыл бар. Ал сол Ағыбай батырды жұрт Ақжолтай атап кеткені айтылады тарихи деректерде. Өйткені, атқа отырғанда екі аяғы жерге тиіп тұратын, екі иығына екі кісі отырғандай ірі денелі батырдың жолы болғыш болған көрінеді. Ақжолтай батыр сонау 1820-1840 жылдары Ресей империясының Қарқаралы, Ақтау, Ақмола бекіністеріне шабуылында, патша әскерлерімен Ырғыз, Тобыл өзендері бойындағы ұрыстарда, Қызылжар, Көкшетау шайқастарында топ жарған деседі. Кенесары ханның Кекілік тауындағы қырғыздармен ұрысында да Наурызбай батырмен бірге дұшпан шебін бұзып өтіпті. Сүйегі Сарыарқа мен Бетпақдала шектескен Тайатқан-Шұнақ жерінде жерленген. Сондықтан жергілікті азаматтар станция атауын батыр баба есімімен жаңғыртқанды жөн көріпті. «Бұл бастама ең алғаш 2017 жылы көтерілді. Еліміздің Атазаңына сәйкес жер-су атауларын өзгерту туралы мәселелер үш жылда бір қаралады екен. Республикалық ономастикалық комиссияның ұйғарымы мен Үкіметтің қаулысы 2020 жылы желтоқсанда тиді қолымызға. Сондай қатты қуандық еңбегіміздің ақталғанына. Қазіргі таңда құжаттар мен мөрдің барлығы өзгертілу үстінде», – деді Жұмабек Асанов. Теміржолда 47 жыл еңбек етіп, оның 34 жылында осы «Ақжолтай» станциясын басқарған қарт теміржолшы, өкінішке орай, осынша уақыт аралығында компания тарапынан бірде-бір марапат алмаған. Бұл, енді, шынымен бір кем дүние!..

Жолаушылар тасымалы
01.06.2025
Сианьнан шыққан халықаралық туристік пойыз Алматыға келді
Жаңалықтар
31.05.2025
ҚТЖ Пәкістанның ірі компаниясымен ынтымақтастықты нығайтуда
Жаңалықтар
31.05.2025
Ақтаудағы жаңа контейнерлік хабтың іске қосу кезеңі маусым айында басталады
Жаңалықтар
30.05.2025
Қазақстан мен Конго Республикасы логистика саласындағы ынтымақтастықты талқылады
ҚТЖ келбеті
30.05.2025
Темірден түйін түйген Момын Өтегенов – 95 жаста
Әлеумет
30.05.2025
Болашақ станциясында жаңа ойын алаңы ашылды
Аймақтар
30.05.2025
Арыс теміржол торабы жаңартылған соң вагон айналымы 20 пайызға артты
Спорт
30.05.2025
Теміржолшылар арасында футболдан тартысты турнир өтті
Аймақтар
30.05.2025
Жұмысқа тұрудың жаңа тәртібі
Спорт
30.05.2025
Теміржолшылар зияткерлік пен дәлдікте бақ сынады
Жаңалықтар / Мұрағат
30.05.2025
Қазақстан теміржолшысы газеті, №41 30 мамыр 2025 жыл
Жаңалықтар
29.05.2025
Теміржолшылар өткелдерде профилактикалық жұмысты күшейтті
Жүк тасымалы
29.05.2025
ҚТЖ: Астық экспорты артты
Жолаушылар тасымалы
29.05.2025
Елімізде жаңадан екі электр пойызы іске қосылады
Жолаушылар тасымалы
29.05.2025
Жазда теміржол көлігімен 7 млн жолаушыны тасымалдау көзделіп отыр
Жаңалықтар
29.05.2025
Астанада ALSTOM компаниясының жаңа сервистік орталығының алғашқы тасы қаланды
Жолаушылар тасымалы
29.05.2025
«Сиань–Алматы» бағыты бойынша алғашқы туристік пойыз сапарға аттанды
Әлемде
28.05.2025
Қазақстандық PTC holding компаниясы Грузияда терминал ашпақ
Жаңалықтар
28.05.2025
Астана форумында Транскаспий дәлізін дамыту барысы сөз болды
Жүк тасымалы / Апта саны
28.05.2025
Қазақстан мен Қытай арасындағы теміржол тасымалы 13% ұлғайды