Alstom компаниясы сутегімен жүретін маневрлі локомотивті таныстырды

Alstom компаниясы Германияның Штендал қаласында орналасқан зауытында сутегімен жүретіндей етіп қайта жабдықталған маневрлі тепловозды таныстырды, деп хабарлайды Rail-news.kz.

Alstom мәліметінше, жұмыс істеп тұрған әртүрлі типтегі тепловоздарды сутегімен жүретін локомотивке айналдыруға болады, бұл маневрлік жұмыстарда көмірқышқыл газының шығарындыларын қысқа мерзімде жоюға мүмкіндік береді. Бұл ретте локомотивтердің қуаты дизельдік отынды пайдалану кезіндегідей болып қала береді.

Компания белгілі бір тепловоз түрін сутегімен жүретін техникаға икемдеу үшін арнайы қамтамасыз ету бағдарламасын әзірлеген.