Бизнесті трансформациялау жобалары таныстырылды

Новости
02.08.2016, 17:24
Бизнесті трансформациялау бағдарламасы бірнеше кезеңмен жүзеге асырылады. Ұлттық компания қазіргі таңда бағдарламаның 3-ші кезеңі бойынша жұмыстарды бастады. Бұл туралы 29 шілдеде «Қазақстан темір жолы» ҰК» АҚ-да Компаниядағы бизнесті трансформациялаудың 2016-2019 жылдарға арналған бағдарламасын» жүзеге асыру жобасының тұсаукесер рәсімі негізінде өткен ақпараттық күнде айтылды.        «ҚТЖ» ҰК» АҚ Даму жөніндегі вице-президенті Еркін Жусанбаев ашып жүргізген жиында бағдарламаны жүзеге асыру тобы мен жоба жетекшілері өздерінің атқарған жұмыстарын, алда тұрған міндеттерін, негізгі атқарылатын шараларды баяндады. Ақпараттық күннің бағдарламасына сәйкес аталған Бизнесті трансформациялау бағдарламасының менеджері Талғат Иманов жобаның портфелін ұсынғасын бірнеше жоба бойынша жетекшілер кезек-кезегімен мінберге көтеріліп, слайдтар арқылы өз жобаларын таныстырып өтті.        Алғашқы баяндалған ««ҚТЖ» ҰК» АҚ өндірістік қауіпсіздігін қамтамасыз ету жолдарын жетілдіру» тақырыбындағы жоба туралы «Маркетинг, сату және көліктік қызмет көрсету, өндірістік қауіпсіздікті басқару» бағытының жетекшісі Валерий Гайнутдинов айтып берді. Жоба мақсаты – қауіпсіздікті басқару жүйесін жаңарту, релевантты үдерістер мен қажетті қауіпсіздік деңгейін қамтамасыз ететін рәсімдерді анықтау, қауіпсіздікті басқару жүйесіндегі тиісті атқаратын рөлдеріне үйрету. Жобаның  қауіпсіздік мәдениеті деңгейін көтеру, қоршаған ортаға келтірілетін зиянды болдырмау, тосын оқиға бола қалған жағдайда дер кезінде және тиісті шаралар қабылдау бойынша ұдайы талдау жүргізу, апаттардан кейінгі операциялық тұрып қалулар мерзімін қысқартуға қол жеткізу жағынан пайдасы бар.                Екінші «Негізгі қаражаттарды басқару үдерісі мен тәсілдерін енгізу» жобасын таныстырған «Активтерді басқару» тобының жетекшісі З. Шопановтың айтуынша, жоба мақсаты – технологиялық активтерді тиімді және нәтижелі басқаруды қамтамасыз ету үшін қажет мәліметтер, бағдарламалық қамтамасыз ету, ережелер, тиісті әдістер, негізгі құралдар тағы басқаларын басқарудың кешенді жүйесін енгізу. Бұл жобаның пайдасы – компания тобында активтерді басқару үдерісін автоматтандыру және жүйелендіру, активтерді дамытудың ұзақ мерзімді жоспарын құру.             «Жеткізілім тізбегін басқару және сатып алумен қамтамасыз ету» бағытының жетекшісі Г. Аманбаева «Жеткізілім тізбегі тиімділігі үшін басқару тәжірибесін енгізу» жобасын таныстырды. Жобаның көздегені – санаттық сатып алу стратегиясын жасауда тәжірибелік дағдыларды енгізу, пилоттық жоба негізінде Құбыр желісін таңдау санаттары үшін көп факторлы жеткізушіні анықтауды енгізу арқылы тендер өткізу. Сонымен қатар қойма шаруашылығының оңтайлы құрылымын жасап, материалдық ағынға оңтайлы жол табу. Сатып алуды басқаруды ішінара санаттар бойынша енгізу 4 жыл ішінде шығынды 26,7 млрд теңгеге оңтайландыруға мүмкіндік береді. Сондай-ақ актив қаражаты мен иелік етуге қатысты компания шығындарын оңтайландырады.            Келесі жоба – «Көпфункционалды қызмет көрсету орталығын құру» деп аталды. Ол туралы баяндаған «Қаржыны басқару» бағытының жетекшісі Берік Тыныштықбаев жоба мақсаты – бухгалтерлік, салықтық және кадрлық есептерді енгізу бойынша барлық транзакциялық қызметтерді бүкіл үдерістер мен қызметтер стандартталып, орталықтандырылатын және біріктірілетін Көпфункцоналды қызмет көрсету орталықтарына ауыстыру екенін түсіндірді. Бұл жобадан соң ескішілдікке негізделген операцияларға, ИТ инфрақұрылымдар мен ИТ жүйені енгізу және қолдауға шығындарды қысқарту, қателіктер санын азайту, шешім қабылдау үшін қажет ақпараттар сапасын, бизнес үдерістер тиімділігін арттыру, үдерістердің орындалу мерзімін қысқартуға қол жеткізілмек.          Адам ресурстарын басқару департаменті директорының міндетін атқарушы А. Ермұханова «Меритократия принципін енгізу» жобасының мақсатына тоқталғанда, оның іздеу және таңдау бойынша үдерістерді енгізу есебімен персонал сапасын, оларды бағалау, таланттарды басқару, сыйақы беру сапасын, компания қызметінің тиімділігін арттыруға мүмкіндік беретінін айтты. Бұған қоса жоба арқылы HR бизнес үдерістерінің тиімділігін персонал сапасын арттыру есебімен күшейту көзделген. Соның арқасында жоғары нәтижелерге қол жеткізетін жоғары білікті жұмысшылар мен қызметкерлер саны артпақ. Жұмысшылардың белсенділігі күшейіп, инновация мен білім жетіле түспек.          «Маркетинг және сауда» тобының жетекшісі О. Бәкіров «Маркетинг және сауда тәжірибесін енгізу» жобасы жайлы айтып, оның мақсаты нарықты саралау, қызмет/өнім портфелін дамыту, сауда және тұтынушыларды дамытуды ұйымдастыру, Компания өнімі/қызметін нарыққа шығару, ұсынылатын қызметтің сапасын бағалау және мониторингтеу арқылы стандартталған жаңа үдерістер мен тәсілдер, маркетинг, сауда құралдарын енгізу  болып табылатынын жеткізді. Бұдан қандай пайда түспек? Көп пайда келтіретін нарықтық мақсатты саралауды дұрыс анықтауға, нарық сұранысына жауап беретін инновациялық өнмідерді жасап, дамытуға, тұтынушыларды ақпараттық қолдау орталығы және сауда құрылымын құруға, жоғары сұраныс қалыптастыра отырып өнім/қызметті орнықтыру және жүргізу қабілеттілігіне, тұтынушылармен өзара ынтымақтастықты дамытуға қол жеткізілмек.           Ал «Жоспарлаудың біріктірілген жүйесін жасау және енгізу» жобасының мақсаты – бюджеттік басқарудың тиімді және икемді құралдарын жасап шығару. Жоба жайлы баяндаған «Басқармалы есеп» тобының жетекшісі К. Жүсіпова жоба тиімділігін айтқанда, негізгі ресурстарды кешенді басқару, пайдасыз үдерістер мен операцияларды бағалау мен бақылау және оларды уақытында анықтау, Компания бизнесі табыстылығын арттыру бойынша нақты шаралар жасау мүмкіндігі туатынын айтты.        Бұдан соңғы жоба – «Тәуекелді басқару бойынша біріктірілген тәсілдерді енгізу» деп аталып, ол жайында «Тәуекелді басқару және талаптар сәйкестігі» тобының жетекшісі Анастася Маленко баяндады. Бұл жобаны жүзеге асыру арқылы тактикалық, стратегиялық және тиімді шешімдер қабылдауға мүмкіндік туып, тәуекелдерді болжау және азайтуға, теміржол қызметін нарыққа шығару мүмкіндіктерін тиімді пайдалануға жағдай жасалады.           Мәліметтерді басқару және ақпараттық технологиялар департаментінің директоры Ержан Маханов «Мақсатты ИТ сәулет өнері және үдерістерді автоматтандыру туралы» жобаға тоқталды. Бұл - компанияның бірыңғай ақпараттық ортасын қалыптастыру, ақпараттық технологияларды стандарттау, қолданбалы жүйені көшіріп қайталауды азайту, ақпаратты мейлінше тиімдірек пайдалануға қол жеткізуді көздейтін жоба.

Райхан Рахметова

Астана

Новости
31.07.2025
Минтранс оценивает транзитный потенциал Казахстана в 5 трлн тенге
Регионы
31.07.2025
Мастерская по производству вагонных колёсных пар открылась в Атырау
Новости
31.07.2025
Глава государства принял председателя правления АО «НК «ҚТЖ»
Новости
31.07.2025
Скляр: Казахстан закупит 175 новых пассажирских вагонов до конца года
31.07.2025
Осмотрщик вагонов модернизировал специальный молоток в Усть-Каменогорске
Новости
31.07.2025
Около 400 нарушителей сняли с поездов с начала года
Регионы
30.07.2025
Уральские ветераны-железнодорожники получили помощь на 7,6 млн тенге
Регионы
30.07.2025
Карагандинские железнодорожницы побывали в музее Карлага
Новости
30.07.2025
Почётный железнодорожник Калтай Самбетов отметил прогресс отрасли
Новости
30.07.2025
АО «НК «ҚТЖ» и TCDD Taşimacilik A.Ş. подписали соглашение о сотрудничестве по развитию ТМТМ
Инфраструктура
30.07.2025
Более 12,8 тысячи работников участвуют в строительстве крупных железнодорожных проектов
Новости
30.07.2025
КТЖ увеличило приём помощников машиниста в связи с ростом грузоперевозок
Пассажирские перевозки
30.07.2025
Дополнительный электропоезд будет следовать по маршруту «Астана – Курорт Боровое»
Новости
30.07.2025
КТЖ и Международный порт Мерсин обсудили сотрудничество в рамках развития ТМТМ
Новости
29.07.2025
Касым-Жомарт Токаев принял председателя совета директоров компании S Sistem Lojistik Хусейна Барлина
Инфраструктура
29.07.2025
Замакима Актюбинской области проверил вокзалы и объекты инфраструктуры в Байганинском и Темирском районах
Новости
29.07.2025
Рационализаторская активность в 2,5 раза превысила план в Акмолинском отделении ГП
Новости / Цифра недели
29.07.2025
Количество нарушений безопасности движения снизилось на 4% в КТЖ
Грузовые перевозки
29.07.2025
Более 550 млн тонн грузов за полгода перевезли в Казахстане
Новости / Архив
29.07.2025
Газета Қазақстан теміржолшысы, №57-58 от 29 июля 2025 года