Биыл темір жолмен 12 млн тонна мұнай өнімі тасымалданды

Осы жылдың 8 айында мұнай өнімдерін тасымалдау өткен жылдың сәйкес кезеңімен салыстырғанда 4,7%-ке өсіп, 12 млн тоннаны құрады, деп хабарлайды Rail-news.kz.

Сондай-ақ осы жылдың 22 тамызынан бастап бензин мен дизель отынын тасымалдауға қажеттілік тәулік сайын 27 мыңнан 38 мың тоннаға дейін күрт артқан. Энергетика министрлігі, ҚТЖ, вагондар операторы мен жеке тасымалдаушылардың бірлескен іс-қимылы арқасында барлық ұсынылған көлем уақытылы тасымалданды.  

Еліміздегі цистерналардың – жылжымалы құрам нарығы 2019 жылы ырықтандырылған. Мұнай өнімдерін тасымалдауға арналған жеке меншік паркіндегі цистерналар 16 мыңнан астам дана.  Парктегі осы жылжымалы тиеуді, түсірудің және жылжытудың техникалық және технологиялық нормалары сақталса, ол республикаішілік және экспорттық тасымалдарды қамтамасыз етуге жеткілікті.  

Мұнай құю жүктерін тасымалдауға қатысты мәселелерді жедел шешу үшін ҚТЖ-да жол бөлімшелері, МӨЗ, PTS Operator (жеке тасымалдаушы) басшыларының қатысуымен штаб ұйымдастырылды. Штаб отырысы тәулік сайын өтеді.  

Оған қоса, ҚТЖ-да бензин мен дизель отынын тасымалдауды ұйымдастыру мәселелері бойынша мұнай өнімдерін алушылардың, жүк жөнелтушілердің шағымдары мен өтініштерін қабылдау үшін «жедел желі»  ашылды.