ҚТЖ-ның 100 жас есімі: екінші модуль басталды
Корреспондент газеты «Қазақстан теміржолшысы»
«ҚТЖ-ның 100 жас есімі» перспективалы, белсенді қатысушылардың екінші легі жобаның екінші модулі бағдарламасы бойынша оқуды бастады. «ҚТЖ» ҰК» АҚ елордалық оқу орталығында модульдің салтанатты ашылуында білімін жетілдірушілерге «ҚТЖ-Жүк тасымалы» ЖШС бас инженері Марлен Көкірекбаев және «ҚТЖ» ҰК» АҚ «Магистральдық желі дирекциясы» филиалының директоры Сәкен Рахметов сөз сөйледі.
Спикерлер жастар – бұл компанияның болашағы, ал оның 100 үздік жас өкілінің пулына кіргендері - операциялық кадрлық резерв, өзгерістер агенттері болып табылатынын атап өтті.
Екінші модульді оқыту бағдарламасы өте қарқынды: 15 қыркүйекке дейін қатысушылар күн сайын әртүрлі интерактивтерден, шеберлік сабақтарынан өтеді және челлендждерді орындайды. Оларды ішкі жаттықтырушылардан стресске төзімділік және сыни ойлау тақырыбы бойынша тренинг, «Проблемаларды шешу және шешім қабылдау» мастер-классы, командалық білім беруге бағытталған викториналар, экологиялық, әлеуметтік және корпоративтік бағыттағы челлендждерді қалыптастыру бойынша топтық брейншторминг сессиясы, сыни ойлау және шешім қабылдау дағдыларын дамытуға бағытталған бизнес-модельдеу күтеді және тағы басқалар.
«Мен үшін пікір мен тәжірибе алмасу, өз білімімді жетілдіру қызықты. Мен осы мүмкіндікті пайдаланып, компанияның өнімділігін арттыруға қатыса алатыныма, осы жобаның арқасында оның дамуына өз үлесімді қоса алатыныма өте қуаныштымын», - дейді «ҚТЖ - Жүк тасымалы» ЖШС – «Батыс» филиалы Белес станциясының бастығы Ерлан Құжымов.
ҚТЖ компаниядағы өзгерістерді ілгерілетудегі өз рөлін түсінетін, оларды таратуға қабілетті, сондай-ақ нәтижелерге адал және ашық түрде қол жеткізетін мүлдем жаңа форматтағы желілік және өңірлік деңгейлердің болашақ басшыларының командасын қалыптастырады.
«Бұл жерде біз жаңа мақсаттарға қол жеткізіп жатырмыз, олар бізге жалын силаса, бұл еңбек іс-әрекетіндегі бетке алар бағдаршамымыз болып табылады. Бұндағы болып жатқанды тек оқыту ғана емес, бізді трансформациялау деп те атауға болады», - дейді «Жолаушылар тасымалы» АҚ «Экспресс» филиалы Алматы учаскесінің жолаушылар вагондарының жолсерігі Диана Бимбетова.
100 жас есім қатарына Қазақстанның барлық өңірлерінен бес негізгі қасиетке ие: белсенді қатысушы, жоғары әлеуетті, кәсіпқой, көшбасшы және сатылмайтын қызметкерлер кірді. ҚТЖ жас есімінің басым құрамы – өндірістік қызметкерлер.