Астара және Ақтау порттары арасындағы ынтымақтастық қаралды
Көлік вице-министрі Талғат Ластаев Иран Ислам Республикасының Қазақстан Республикасындағы Төтенше және Өкілетті Елшісі Али Акбар Джоукармен кездесті, деп хабарлайды Rail-news.kz.
Келіссөздер барысында тараптар көлік-логистика саласындағы екіжақты ынтымақтастықтың өзекті мәселелерін талқылады.
Жиында Транскаспий халықаралық көлік бағыты (ТХКБ) аясында ынтымақтастықты тереңдету мәселелері талқыланды. Бұл бағыттың дамуы Қазақстан мен Иранның Еуразия кеңістігіндегі негізгі транзиттік буын ретіндегі рөлін нығайтуға септігін тигізетіні атап өтілді.
Астара және Ақтау порттары арасындағы ынтымақтастықты кеңейту мәселесі жеке қаралды. Тараптар осы саладағы өзара іс-қимылдың елеулі әлеуетін атап өтіп, бұл тауар айналымының өсуіне және теңіз тасымалдарының көлемін арттыруға мүмкіндік беретінін жеткізді.