«Самұрық-Қазына» корпоративтік омбудсмендері елорданың негізгі машина жасау кәсіпорындарына барды
Серікбай Тұрымов бастаған «Самұрық-Қазына» АҚ корпоративтік омбудсмендері елорданың үш ірі зауытына — «Stadler Kazakhstan» ЖШС, «Локомотив құрастыру зауыты» АҚ және Alstom зауытына жұмыс сапарымен барды. Іс-шараға Қордың еншілес компанияларының корпоративтік омбудсмендері де қатысты, деп хабарлайды Rail-news.kz.
Сапардың мақсаты – өндірістік процестермен, кәсіпорындардағы еңбек жағдайларымен, корпоративтік мәдениетпен танысу, сондай-ақ еңбек ұжымдары мен корпоративтік омбудсмен институты арасындағы өзара іс-қимыл тетігінің жұмысын бағалау.
«Корпоративтік омбудсмен институты – бұл жұмысшылар мен жұмыс берушілердің сенімі мен мүдделерін теңестіру құралы. Біздің міндетіміз – құрмет, әділдік және ашық диалог ахуалын қамтамасыз ету»,– деп атап өтті Серікбай Тұрымов.
«Самұрық-Қазына» қоры корпоративтік басқаруды, еңбек этикасын және тұрақты дамуды дамыту саясатын дәйекті түрде іске асыруда. Бүгінгі таңда омбудсмендер институты Қордың барлық негізгі компанияларында жұмыс істеп, сенімді нығайтуда, қызметкерлердің қатысуын арттыруда және салауатты жұмыс ортасын қалыптастыруда маңызды рөл атқарып жүр.
Сапар барысында кәсіпорындарда заманауи технологиялар табысты енгізіліп жатқаны, кадрлардың біліктілігі артып келе жатқаны, ал қызметкерлердің 99%-ын елімізде, сондай-ақ, шетелде жетекші әлемдік компаниялармен серіктестікте кәсіби даярлықтан өтіп жатқан Қазақстан мамандары құрайтыны атап өтілді.
Локомотив және вагон құрылысын дамыту жаңа жоғары ақы төленетін жұмыс орындарын құруға, инженерлік құзыреттерді қалыптастыруға ықпал етеді және аралас салалардың — металлургия, электротехникалық сектор, логистика және сервистік қызметтердің дамуын ынталандырады.
Wabtec, Stadler және Alstom өндірістік алаңдарын құру және кеңейту Қазақстанның машина жасау әлеуетін нығайту және оны жаһандық технологиялық тізбектерге интеграциялау жөніндегі ұзақ мерзімді жоспарларын растайды.
