«Теміржолсу» АҚ мыңнан астам теміржол инфрақұрылымы нысандарына жөндеу жұмыстарын жүргізді
«Теміржолсу» АҚ теміржол инфрақұрылымы объектілерін жөндеу және қалпына келтіру жөніндегі бағдарламаны іске асыруды жалғастыруда, деп хабарлайды Rail-news.kz.
2022-2025 жылдар аралығында кәсіпорын күшімен 1010 нысанда жөндеу жұмыстары орындалды.
2026 жылы тағы 204 нысанда жұмыстар жалғасуда.
Тізімге әкімшілік және өндірістік ғимараттар, локомотив бригадаларының демалыс үйлері, сондай-ақ инженерлік инфрақұрылым объектілері кіреді. Сумен қамту, кәріз және электрмен жабдықтау жүйелерін жөндеу және қалпына келтіру жұмыстары жүргізілуде.
Теміржол саласы өндірістік нысандарының едәуір бөлігі бірнеше онжылдықтар бұрын салынған және жүйелі түрде жаңартуды қажет етеді. Ағымдағы жөндеу бағдарламасын іске асыру ғимараттар мен инженерлік коммуникациялардың тозу деңгейін кезең-кезеңімен төмендетуге, олардың пайдалану сипаттамаларын қалпына келтіруге және объектілер жұмысының сенімділігін арттыруға мүмкіндік береді.
Жүргізіліп жатқан жұмыстар қызметкерлер үшін қауіпсіз және жайлы еңбек жағдайларын жасауға, инфрақұрылым тұрақтылығын арттыру мен апаттық жағдайларды жоюға және жоспардан тыс жөндеуге арналған шығындарды қысқартуға бағытталған.
«Теміржолсу» АҚ қызметінің негізгі түрі теміржол кәсіпорындарын сумен жабдықтау, су бұру және жылумен жабдықтау қызметтерімен қамтамасыз ету болып табылады.
Компанияда сантехниктер, құрылысшылар және апаттық-қалпына келтіру бригадаларын қосқанда 2700 жуық маман жұмыс істейді. Кәсіпорын 138 станциялық объектіге және 15,7 мыңнан астам абонентке қызмет көрсетеді, оның 14,8 мыңнан астамын елді мекендер тұрғындары құрайды.
«Теміржолсу» АҚ бүкіл желіде инженерлік инфрақұрылымның сенімді жұмысын қамтамасыз ете отырып, 286 теміржол пунктінде «ҚТЖ» ҰК» АҚ филиалдары объектілерінде техникалық қызмет көрсетуді жүзеге асырады.