Бурабай курорты теміржол вокзалын қайта жаңарту аяқталды
Мемлекет басшысының және Қазақстан Республикасы Үкіметінің көлік инфрақұрылымын дамытуға және жаңғыртуға бағытталған тапсырмалары шеңберінде Курорт-Бурабай теміржол вокзалын қайта жаңарту аяқталды деп хабарлайды Rail-news.kz.
1988 жылы салынған теміржол вокзалы 1 класты қондырғыларға жатады және жолаушыларға қызмет көрсету мен транзиттік ағынға арналған. Орташа тәуліктік жолаушылар ағыны шамамен 1601 адамды құрайды, жазғы кезеңде – тәулігіне 2000 жолаушыға дейін. Вокзал Қазақстанның ірі қалаларының (Астана, Алматы, Атырау, Петропавл, Қызылорда, Орал, Қарағанды), сондай-ақ Ресей мен Қырғызстанды қоса алғанда, ТМД елдерінің бағыттары бойынша жүретін 30 дейін пойыздарға қызмет көрсетуді қамтамасыз етеді. Үш қабатты ғимараттың жалпы ауданы 3 200,7 м2 құрайды.
Қайта құру барысында қазақстандық өндірістің материалдарын қолдана отырып, ғимараттың қасбеті мен іргетасы жаңартылды. Заманауи энергия үнемдейтін витраждар орнатылды, шатырды жылу және гидрооқшаулағыш құрылғымен толық ауыстыру жүргізілді.
Жолаушылардың жайлылығы мен қауіпсіздігін қамтамасыз ететін заманауи жанбайтын және тозуға төзімді материалдарды пайдалана отырып, ішкі үй-жайларды жаңғырту жүргізілді.
Ел тұрғындары мобильділігі төмен топтарының қолжетімділігін қамтамасыз ету үшін көтергіштер (екі сыртқы және бір ішкі), сондай-ақ ғимараттың 1-ші қабатынан 3-ші қабатына дейін қолжетімділікті қамтамасыз ететін лифт жабдығы орнатылды. Тактильді навигация ұйымдастырылып, мүмкіндігі шектеулі жолаушылар үшін күту бөлмесі жабдықталған.
Инженерлік жүйелер, соның ішінде желдету және өрт дабылы жүйесі жаңартылды. Объектінің сенімділігі мен энергия тиімділігін арттыруды қамтамасыз ететін инженерлік желілер жаңартылды.
Вокзал жолаушыларға арналған вандалға қарсы орындықтармен жабдықталған. Жолаушыларға ыңғайлы болу үшін күту, тамақтану және сауда дүңгіршектері қарастырылған.
Қайта құру қорытындысы бойынша Бурабай курортының теміржол вокзалы заманауи қауіпсіздік талаптарына, санитарлық нормаларға және жолаушыларға қызмет көрсету сапасының стандарттарына сәйкес келтірілді.
Ел өңірлерінде теміржол вокзалдарын қайта жаңарту және жаңғырту жұмыстары қызмет көрсету сапасын кезең-кезеңімен арттыруға және көлік желісін дамытуға бағытталған жолаушылар инфрақұрылымын жаңартудың жүйелі бағдарламасы шеңберінде жалғасуда.
