Талабыңа нұр жаусын, Ержан!

ҚТЖ келбеті
30.07.2025, 12:07
Қосұйым Мұқашев

Атырау облысы бойынша меншікті тілші

«Ел іші – өнер кеніші» демекші, теміржолшылар арасында да неше түрлі өнерпаздар бар. Солардың бірі – Ержан Сағымбаев. Ол қазақтың тұңғыш бард-ақыны Табылды Досымовты еске алу және шығармашылығын насихаттау мақсатында ұйымдастырылған «Сәйгүлік» атты Батыс аймақтық ән байқауының жеңімпазы атанды.  

Атырау магистральдық желі бөлімшесіне қарасты Ақжайық белгі беру және байланыс дистанциясының жөндеу-техникалық телім бастығы Ержан Сағымбаев басқа конкурсанттар сияқты кәсіби музыкант емес, бірақ өнерді бала кезінен сүйіп өскен жігіт.

Байқауда Атырау облысы мен өзге өңірлерден келген 13 өнерпаз гитарамен жанды дауыста және эстрадамен Т.Досымовтың әндерін орындады. Көрермен көңілінен шыққан өнер иелері ақын мұрасын заманауи бағытта насихаттап, байқауға ерекше реңк берді.  

Атыраудың Индер ауданында туған Ержан Жұмабайұлы ән мен жырға әуестігі арқасында мектепте оқып жүріп Махамбет, М.Жұмабаев, Ф.Оңғарсынова, Т.Айбергенов оқуларына қатысып, республикалық деңгейде талай рет жүлделі орындарға ие болған екен. Әкесі Жұмабай Суламалиев – теміржолшы, қазіргі таңда «Болашақ-Атырау» компаниясында нормативтік құжаттар бойынша жетекші маман болып қызмет атқарады.  

Ержан 2014 жылы мектеп бітірген соң Астана қаласындағы АЛТ колледжіне теміржол көлігіндегі автоматтандыру және бақылау мамандығына оқуға түседі де, кейін «ҚТЖ» ҰК» АҚ грантымен Алматы қаласындағы АЛТ университетіне түсіп, 2020 жылы бакалавр, 2022 жылы магистратураны бітіріп шығады. Университетте оқып жүріп  Академиялық ұтқырлық бағдарламасы бойынша 6 ай РФ Санкт-Петербург қаласындағы 1 Петр атындағы жол және байланыс университетінде білім алған. «ҚТЖ» ҰК» АҚ Әлеуметтік саясат департаменті ұйымдастырған «100 жас есім» бағдарламасының 3-легінің қатысушысы. Еңбек жолын Қарабатан бекетінде СОБ электромонтері болып бастаған.  

– Конкурстың бірінші кезеңде Табылды Досымовтың сөзіне жазылған «Өмірзая» әнін, екінші кезеңде Есенғали Раушановтың сөзіне жазылған «Ештеңе де керек емес» әнін орындадым. Бала күнімнен Табылды ағамыздың әндерін сүйіп тыңдап, гитарада орындайтынмын. Байқау нәтижесі бойынша ІІІ орынды иелендім. Жалпы өнерді тастаған емеспін. Музыкалық арнайы 

білімім болмаса да осындай жиындар мен концерттерде ән саламын, – дейді Ержан.  

Жолаушылар тасымалы
30.11.2025
ҚТЖ «Алматы – Новосибирск» бағытына жаңа вагондарды жолға шығарды
Жүк тасымалы / Апта саны
28.11.2025
Достық - Мойынты екінші жолдарымен 1,2 мыңнан астам пойыз өтті
Жаңалықтар
28.11.2025
Қазақстан–Швейцария іскерлік кеңесіне 25-тен аса швейцариялық компания қатысты
Жүк тасымалы
28.11.2025
Қостанайда астықты теміржол көлігімен тасымалдау 20% өсті
Жаңалықтар
28.11.2025
Достық және Алтынкөл станцияларының қызметкерлері ҚХР-да өткен семинарға қатысты
Сұхбат
28.11.2025
Қауіпсіздікті күшейтуге күш салудамыз
Аймақтар
28.11.2025
Қостанай өңірінде контейнерлік пойыздарды ресімдеудің ашық тәртібі енгізілді
Аймақтар
28.11.2025
Өткелдерді жаңарту жалғасуда
Жаңалықтар
28.11.2025
Астанада қозғалыс қауіпсіздігі бойынша байқау өтті
Жаңалықтар
28.11.2025
Ташкентте Транскаспий көлік дәлізі мен байланысты дамыту жөніндегі Инвесторлар форумы өтті
Қауіпсіздік
28.11.2025
Практикалық сабаққа қатысты
Жаңалықтар
28.11.2025
ҚТЖ және Rail Cargo Austria транзиттік осьті күшейтуде
Жаңалықтар / Мұрағат
28.11.2025
Қазақстан теміржолшысы газеті, №99 28 қараша 2025 жыл
Аймақтар
27.11.2025
Теміржолшы кәсібіне құрмет
Аймақтар
27.11.2025
Техникалық кітапханаға – 90 жыл
Жаңалықтар
27.11.2025
ҚТЖ жеке вагондардың тоқтап тұруын қысқартуға шақырды
Инфрақұрылым
27.11.2025
Жабық жол қайта ашылды
Жаңалықтар
26.11.2025
ҚТЖ басшысы: Компания Әзірбайжанға астық жеткізуді 25 есеге арттырды
Спорт
26.11.2025
Күзет қырандары – спартакиада чемпионы
Жүк тасымалы
26.11.2025
Алты мемлекет Иран арқылы контейнерлік транзитті арттыру үшін күш біріктіруде