Сауатты шешім апаттан құтқарды
"Қазақстан теміржолшысы" газетінің Жамбыл облысындағы меншікті тілшісі
Тараз – Шу телімінің 3729-шы шақырымы. Кешкі уақыт. Сағатына 55 км жылдамдықпен келе жатқан пойыз Тәтті – Аспара өткеліне жақындап қалғанда асығыс өткелді кесіп өтуге ұмтылған тіркемесі бар жүк көлігін байқады...
Локомотив бригадасы дереу шұғыл тежегішті қолданды. пойыз жүрісін баяулатып, өткелге санаулы метр қалғанда жүк көлігіні де өткелден өтіп үлгерді.
– Бұл өткен айдың соңында, кешкі уақытта болған оқиға. Өткелге жете бере 19.26-да тоқтаған пойыз 8 минуттан соң қайта жүріп кетті. №3328 пойыз тізгініде 12 жылдық тәжірибесі бар машинист Марат Салибегов пен көмекшісі Бақытбек Сыздықбаев болған. Локомотив бригадасы әрине қанша жерден шұғыл тежеу басса да өткелге жетпей тоқтай алмасын білді, дегенмен 500 метрдей жолда пойыз жылдамдығын азайту есебінен жол-көлік оқиғасының алдын алуға тырысты. Біздің машинистердің сауатты әрекетінің арқасында соқтығысудың алдын алу мүмкін болды, – дейді Жамбыл локомотив пайдалану депосы бастығының пайдалану жөніндегі орынбасары Мәди Қонысбаев.
Оқыс жағдайға тап болғанда біліктілік пен тәжірибенің тигізер көмегі көп. Өзбекстанда туып-өскен машинист Марат Төлегенұлы 2007 жылы Ташкент теміржол колледжінде машинист көмекшісі мамандығын алып, үш жыл көрші елде еңбек етіпті. 2011 жылы Тараз қаласына қоныс аударып, Жамбыл локомотив пайдалану депосы тәжірибесі бар маманды бірден жұмысқа алған. 2014 жылы депо басшылары Марат Салибеговке электровоз тізгінін сеніп тапсырыпты. Ал көмекші машинист Бақтыбек Сыздықбаевтың үш жылдық тәжірибесі бар.