Үш жақты меморандумға қол қойылды

«Қазақстан темір жолы» ҰК» АҚ-да Мемлекет басшысы жариялаған Жұмысшы мамандықтары жылы аясында «Отбасы банк» АҚ және «Нысандарды салу жөніндегі компания» корпоративтік қорының қатысуымен теміржолшылар үшін «Қолжетімді баспана» пилоттық жобасын іске асыру жөніндегі меморандумға қол қойылды.

Құжатқа «ҚТЖ» ҰК» АҚ басқарма төрағасы Талғат Алдыбергенов, «Отбасы банкі» АҚ басқарма төрайымы Ләззат Ибрагимова және «Нысандарды салу жөніндегі компания» корпоративтік қорының бас директоры Сапар Нұрашев қол қойды.  

– Бүгін бізде маңызды миссия, «Қолжетімді баспана» пилоттық жобасын жүзеге асыру туралы меморандумға қол қойып жатырмыз. Бұл жоба теміржолшыларды жеңілдіктер жағдайында заманауи және қолжетімді баспанамен қамтамасыз етуге бағытталып отыр. Және ол теміржолшылардың әл-ауқаты мен әлеуметтік жағдайын жақсарту жөніндегі Компанияның жүйелі жұмыстарының жалғасы болып табылады. Бұл бастаманы іске асыру біздің серіктестеріміз «Отбасы банк» пен «Нысандарды салу жөніндегі компания» корпоративтік қорының арқасында мүмкін болып отыр. Жоба Қазақстанның барлық өңіріндегі теміржол саласы еңбеккерлерін тұрғын үймен қамтамасыз етудің ауқымды бағдарламасына алғашқы қадам деген ойдамыз. Осы ретте, серіктестерімізге қолдау көрсетіп, бірлесіп жұмыс істеуге ниет білдіргендері үшін үлкен алғыс айтамын. Бұл жоба адамдардың өмірін жақсарту жолындағы мемлекет, қаржы институттары және ұлттық компанияның тиімді өзара әрекет етуінің үлгісі болатынына сенімдімін, – деді «Қазақстан темір жолы» ҰК» АҚ басқарма төрағасы Талғат Алдыбергенов.  

Өз кезегінде ұлттық компания серіктестерінің жетекшілері де өз сөздерінде «Қолжетімді баспана» пилоттық жобасы еліміздегі ірі жұмыс беруші компания еңбеккерлерінің тұрмыстық жағдайы мен әл-ауқатын жақсартуға үлкен септігін тигізерін атап өтті. Шынында, бұл жоба компанияның әлеуметтік саясатқа қосқан маңызды үлесі болуымен қатар кадрлардың кәсіби өсуіне қолдау болмақ.