Кемшілік көбейіп тұр...

Әлеумет

27.09.2016, 19:09

Оқуға 2 мин

Қызылорда жүк тасымалы бөлімшесі ревизоры Шәміл Мүбарак алға тартқан мәліметіне сүйенсек, ағымдағы жылдың сегіз айында бөлімше бойынша қозғалыс қауіпсіздігін бұзушылық 12 рет орын алып, өткен жылмен салыстырғандағы көрсеткіштен 5 ретке артып 58 пайызға көбейген. –Жыл басынан бері Сыр өңіріндегі темір жол телімдерінде тұрақты жүргізілген шаралар нәтижесіз болып тұр, себебі пойыздардың қауіпсіздігін қамтамасыз етуде 2015 жылмен салыстырғанда қауіпсіздікті бұзушылықтардың санын біршама көбейтіп алдық, сондықтан бұл салада әлі де болса жұмыстарды ширата түсеміз – дейді бөлімшенің қозғалыс қауіпсіздігі ревизоры Шәміл Мүбарак. Өткен жылдың есепті мерзімінде ақау тіркелмегенмен, биылғы 8 ай ішінде №19-бекетте маневрлік жұмыс барысында жылжымалы құрам станциялық жолдан шығып кетіп ақау тіркелген. Және де қауіпсіздіктің бұзылуының бірден бір себебі, осы телім бойында малға қарсы қоршау салынбағандықтан, иесіз малдың рельс бойына шығып кетіп, пойыз астына түсуі мал басу оқиғаларының көбеюіне себеп болып отыр. Сегіз айда 6 рет жұмыстағы қиыншылық оқиғасы болған. Бұлардың біреуі машинистің жолдағы «соққыны» мәлімдеуі болса, қалған бесеуі жаңағы айтқандай, иесіз малдың жылжымалы құрам астына түсіп қалуы екен. Ал өткен жылы бұл көрсеткіш екі рет тіркелген. Қауіпсіздікті бұзушылықтың өзге де оқиғасы, яғни 4 рет адам басу және 1 мәрте автокөліктің жылжымалы құрамаға соқтығысу жайы биыл да былтырғы жыл деңгейінде қайталанған. Бұл жайлар жол бойы еңбеккерлерінің мәртебелі қызметінде кемшіліктің қылаң бергенін байқатқандай. Сондықтан қырағылықты күшейту шаралары қолға алынып, темір жол мекемелері басшылары бас қосқан жиында пойыздар қозғалысының қауіпсіздігін сақтау күн тәртібіндегі бірінші мәселе ретінде көтеріліп отыр.

Кемшілік көбейіп тұр...

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл