Иран мен Ауғанстан арасында жүк тасымалы 8 есе өскен
Иран мен Ауғанстан арасындағы теміржол арқылы жүк тасымалы айтарлықтай артты. Тамыз айында екі ел арасында шамамен 130 мың тонна жүк теміржолмен жеткізілген. Бұл «Хаф – Герат» желісі іске қосылғанға дейінгі көрсеткіштен 115 мың тоннаға немесе 8,6 есеге көп, деп хабарлайды Rail-news.kz.
Иран темір жолдарының мәліметінше, жыл қорытындысында жүк тасымалы 1,5 млн тоннаға жетуі мүмкін. Бұған дейін екі ел арасында теміржолмен жылына небәрі 15 мың тоннаға жуық жүк тасымалданатын.
Өсімге «Хаф – Герат» теміржол желісінің құрылысы мен негізгі шекаралық тораптардың жаңғыртылуы әсер етткен. Сонымен қатар 2026 жылғы маусым-шілде айларында шекарадағы әкімшілік және техникалық кедергілердің жойылуы тасымал көлемін ұлғайтты.
Нәтижесінде Ауғанстандағы Розанак торабынан тәулігіне өткізілетін жүк вагондарының саны 164-ке дейін артты.