Семейде көмірге сұраныстың артуына орай қосымша тұйық желілер салу қажет

Жүк тасымалы
30.11.2021, 12:55
Қуаныш Қожаев

Абай облысы бойынша меншікті тілші

Семей ЖТ бөлімшесінде жүк айналымы бойынша көмір тасымалына айрықша мән берілуде. Себебі, аймақ тұрғындары арасында қатты отынға сұраныс азаймай отыр. Бүгінгі таңда теміржол тұйықтарында көмір тапшылығы жоқ, дегенмен алдағы уақыттарда қарбалас тудырмау үшін ірі станциялар маңынан жаңадан қосымша тұйық желілер салу қажет. Бұл туралы жуырда ШҚО Энергетика және Тұрғын үй-коммунальдық шаруашылығы басқармасы басшысы мәлімдеді және оны бірінші кезекте Өскемен қаласында қолға алу керек деді. Жалпы, қазіргі таңда ел шығысы бойынша жылыту маусымына көмірдің жылдық қажеттілігі шамамен төрт мың тоннаны құрайды. Оның ішінде жылу көздері үшін 2,6 мың тонна және коммуналдық-тұрмыстық сектор үшін 1,2 мың тонна көмір қажет. Бүгінгі күні коммуналдық-тұрмыстық сектор үшін қатты отынның қажетті көлемінің 98 пайызы, халық үшін көмірдің осындай мөлшері және бюджеттік ұйымдар үшін барлық көлем жеткізілді. Әйтседе, алдағы уақытта бұл қажеттілік көлемі өсе түсуі мүмкін. Бұл жайт қазірдің өзінде сезілуде. Мәселен, өткен қазан айында Өскемен қаласының көмір тұйықтарында отын тапшылығы байқалды.Бұл тұтынушылар тарапынан наразылық тудырған. Арнайы құрылған комиссияның анықтауы бойынша қалыптасқан жағдайдың бірнеше себептері болған. Ең бастысы – тұрғындар көмірді алдын-ала, жаз айларында, қоймаларда жеткілікті отын жиналған кезде сатып алмаған. Ал күзде, ірі жылу көздері үшін көмірді белсенді түрде жеткізу басталған кезде, ортаға делдалдар килігіп, жеке саудадағы көмір бағасын көтеріп жіберген. Қазіргі таңда аймақ бойын- ша вагондардың меншік иесі «Қазтеміртранс» АҚ ашық вагондарды жеткізуді уақытында қамтамасыз етуде. Дегенмен өтінім әр он күн сайын ресімделетіндіктен үлгеріп жұмыс істеу қиындық тудырып отыр. Алдағы уақытта жағдайды реттеу үшін «ҚТЖ» ҰК» АҚ-на және «Қаражыра» АҚ-на тасымалданатын көмірді тәулігіне 450 вагонға дейін жеткізу, оның ішінде халыққа 180-нен аса және жылу көздеріне 267 вагон жеткізу туралы хаттар жіберіліпті. Қараша айында аймақтағы тұйық желілерге 6 605 вагон көмір жеткізілген. Соның есебінен қазір облыстың теміржол тұйықтарында 12,4 мың тонна көмір бар, оның ішінде Өскеменде үш мың тоннадан астам, Семейде бес мың тонна, Аягөз қаласында екі мың тоннадан астам, Алтай ауданында мың тоннадан асатын қатты отын бар. Яғни, көмір тапшылығы жоқ. Тұрғындар қалаған мөлшерде көмір сатып ала алады. Жағдай толық бақылауда. Сонымен қатар, штаб мүшелері анықтағандай, теміржол тұйықтарындағы ұзын-сонар кезектерді жеке тұрғындар емес, алыс аудандардан күніне бірнеше рет қатты отын алуға келетін алыпсатарлар туындатады екен. Міне, осындай жағдайларға жол бермеу үшін ірі қалалардан теміржол тұйықтарын ашу жоспарлануда. Қазіргі таңда бұл мәселені облыстық әкімдік пысықтауда.

– Жалпы, облыс бойынша темір жол тұйықтарындағы көмірдің орташа құны тоннасына 11 300 теңгені құрайды. Шығыстағы қалалар мен аудандар әкімдіктері жағдайды бақылауда ұстап, халық үшін көмір бағасының шамадан тыс өсуіне жол бермеу үшін жұмыс жүргізуде. Ал, бөлімше бойынша Дегелең станциясынан аймақтың әр тарабына көмір жеткізуде кедергі жоқ. Тәулігіне 6 200 тонналық 63 вагоннан тұратын ауыр салмақты пойыздар уақытылы құрастырылып жолға шығарылуда, – дейді бөлімшенің логистика және жүк тасымалын ұйымдастыру бөлімінің мамандары.

Сәйкесінше, барлық жүк станцияларындағы маневрлік жұмыстар жеделдетілген түрде жүзеге асырылады. Локомотив пен вагон тапшылығын болдырмау мәселесі бөлімше басшылығының назарында тұр.

ҚТЖ келбеті
29.03.2024
Жылғаның жол шебері
Аймақтар
29.03.2024
Абай елінде Наурыз мейрамы ерекше тойланды
Жаңалықтар / Мұрағат
29.03.2024
«Қазақстан теміржолшысы» газеті, №27-28 29 наурыз 2024 жыл
Аймақтар
29.03.2024
Ақтөбелік теміржолшылар ұлттық дəстүрді жаңғыртты
Спорт
29.03.2024
Маңғыстауда «Наурызнама» онкүндігі аясында спорттық сайыстар өтті
Инфрақұрылым
29.03.2024
Түркістанда өткен келелі кеңестер
Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді