Мыс тиеліміне сұраныс бар - KTZ Express
Корреспондент газеты «Қазақстан теміржолшысы»
Үстіміздегі жылдың қаңтар-маусым аралығында «KTZ Express» АҚ жалпы салмағы 15 000 тоннадан асатын катодты мыс тиелген 643 астам контейнердің аралас тасымалын жүзеге асырды, передает Rail-news.kz.
Бұл бағалы жүк ашық вагондарда Балқаш станциясынан тиеліп, одан әрі қарай KTZE-Khorgos Gateway Құрлық порты арқылы контейнерлермен Қытайдың солтүстік-батысындағы Шаньси провинциясының Сиань қаласына жеткізіледі.
Өткен жылы «KTZ Express» компаниясы жалпы салмағы 9000 тонна шамасында катодты мыс тиелген 9 контейнерлік пойыздың жөнелтілімін ұйымдастырған болатын. Осыдан-ақ, биылғы бірінші жартыжылдықтың өзінде өткен жылдың он екі айына қарағанда катодты мыс тиелімінің 60% астам артып отырғаны байқалады. Осы ретте, аралас тасымал әм- бебап жылжымалы құрамның айналымын әжептәуір азайтып, қытай жағында контейнерлердегі жүктерді қабылдауды жеңілдетіп отырғанын айтуға болады. Мамандар компанияның келешекте аталған бағдар бойынша балама жөнелтілімді тұрақты етіп, ай сай- ын 2-ден 4 контейнерге дейін ұлғайтуды жоспарлап отырғанын айтады.