Қостанай өңірінде контейнермен жүк тасымалдау өсті
Қостанай өңірінің жүк иелері өз өнімдерін контейнермен тасымалдауға мүдделі, деп хабарлайды Rail-news.kz.
Осы жылдың сегіз айында 140 мың тоннадан астам жүк тиелсе, ол үшін 4,8 мың контейнер, 2,8 мыңнан астам фитингтік платформа іске қосылған. Оған қоса 75 бағыт қалыптастырылды. Контейнерлерде тиеу 2021 жылдың осыған ұқсас кезеңімен салыстырғанда бес есеге артып, 3 918 контейнерге ұлғайған.
Осы жылдың сегіз айында Қостанай облысының Жітіқара станциясында Вьетнамға, ҚХР мен Индонезияға 155 фитингтік платформа, «Қостанай минералдары» тау-кен өндіру компаниясының асбест өнімдері бар 310 контейнер тиелді.
Контейнерлік пойыздар қытай-вьетнам шекарасындағы Пинсян өткізу пункті – Достық-Алашаңқай өткелі арқылы өтеді. Жүктерді контейнерлермен жөнелту Оңтүстік-Шығыс Азия елдеріне қазақстандық экспорт көлемін ұлғайтуға ықпал етеді.