Семей арқылы Ресейге жүк жеткізу 2,5 есе артқан

Жүк тасымалы
02.12.2022, 09:50
Суретті түсірген автор
Қуаныш Қожаев

Шығыс Қазақстан облысы бойынша меншікті тілші, Семей

Семей ЖТ бөлімшесінде соңғы он айдағы көрсеткіш бойынша транзиттік жүк легі артып отыр. Оған көршілес Ресей мемлекетімен арадағы сауда-экономикалық қатынастардың жақсаруы, жаңадан құрылған Абай облысына құйылған инвестицияның артуы, соның ішінде бірінші кезекте тау-кен өнеркәсібінің қарқын алуы себеп болып отыр.

Өткен жылмен салыстырғанда Семей бөлімшесі арқылы Ресейдің Сібір бөлігіндегі өңірлеріне жүк жеткізудің көлемі 2,5 есеге дейін артқан. Бұл орайда бөлімшенің шекара шебінде орналасқан Локоть станциясы арқылы қатынайтын жүк пойыздарының саны қаңтар айынан бастап өсіп келеді. Жаһандық геосаяси ахуалдың күрделенуі екі ел арасындағы жүк және жолаушылар тасымалының еселеп артуына біршама әсер етіп, шығыстағы теміржолшылардың жұмысын да ширата түсуде. Соның нәтижесінде техникалық процестер барысындағы көптеген кедергілерге қарамастан бөлімшедегі жүк тиеу көрсеткішін арттыру 100 пайыздан аса орындалыпты.  

– Осы жылдың он айының қорытындысы бойынша ғана Қазақстан мен Ресей арасында Семей ЖТ бөлімшесі арқылы тасымалданған жүк айналымы 2,8 млн тоннаны құрағанын атап өткен жөн. Сонымен қатар, Қытайдан транзиттік жүк ағыны Ресейге негізінен Семей теміржолы арқылы өтеді. Ал Ресей облыстары мен кері бағыттағы жолаушылар тасымалы 400 мыңға жуық адамды құрады. Бұл – бұрынғы жылдарға қарағанда анағұрлым жоғары көрсеткіш, – дейді бұл орайда Семей ЖТ бөлімшесінің өндірістік-техникалық бөлімінің мамандары.  

Таяу жылдарға жасалынған болжам бойынша транзит ағыны алдағы жылдан бастап тіптен арта түспек. Оған жуырда Орынбор қаласында өткен Ресей мен Қазақстан арасындағы XVIII аймақаралық ынтымақтастық форумындағы жасалған меморандумдар себеп болмақ. Яғни, «Бір белдеу, бір жол» мегажобасын және екі ел арасындағы «Солтүстік-Оңтүстік» дәлізін дамыту бойынша Семей шаһары Азия мен Еуропаны байланыстыратын көпір және маңызды көліктік хабқа айналуы тиіс. Өткен жыл мен биылғы 10 айдағы жүк айналымы бойынша көрсеткіш бұл бағытта жұмыс жүргізудің тиімділігін айғақтай түседі.  

Семей бөлімшесі бойынша алдағы уақыттарда орындалуы тиіс бірқатар межелі шаралар қатары мол. Бұл орайда әсіресе тасымалдау динамикасын ескере отырып, ұзындығы 270 шақырымды құрайтын «Аягөз – Бақты – Қытай шекарасы» теміржол учаскесінің құрылысы жобасының тиімділігі аса жоғары. Аталмыш жоба Қазақстан және Ресей темір жолдарының тікелей қатысуымен инфрақұрылымды дамытып, оның ішінде Семей қаласынан «құрғақ порт» салуды көздейді.  

Ал осынау бірегей жоба аяқталып, Қытай Халық Республикасымен үшінші теміржол өткелі ашылғанда инфрақұрылымдық қуаттылық жылына 20 миллион тонна жүк тасымалына артатын болады. Бұл жайт өз кезегінде Қазақстан – Ресей – Қытай мемлекеттерінің арасындағы өзара тауар айналымын, Семей ЖТ бөлімшесі арқылы өтетін транзит тасқынын еселеп ұлғайтатын болады.  

Жалпы, шекаралық сауда аумағын дамыту, транзиттік жүк тасымалын арттыру, туризмді өркендету мәселелерінде тиімділігі мол Бақты – Аягөз жобасы осыған дейін де Қытай және Қазақстан мемлекеттері арасында ұзақ жылдардан бері кеңінен талқыланып келе жатыр. Аталмыш жобаны жүзеге асыруға Қытай тарапы ғана емес, транзиттік-логистикалық шараларды дамытуды көздеп отырған Қазақстан Үкіметі мен Ресей елі де мүдделі болып отыр.  

Өз кезегінде бұл межелі шаралардың барлығы қазіргі күннің өзінде дамудың стратегиялық жоспарына енгізіліп, қажетті шаралар қабылдануда.  

 

Жаңалықтар
31.01.2023
Мас екі жолаушы әйел пойыздан түсіріліп, айыппұл арқалады
Жаңалықтар
31.01.2023
ҚТЖ компаниясы HR-менеджерлердің құзыретін арттыруға ден қойып отыр
Әлеумет
31.01.2023
ҚТЖ қызметкерлердің жалақысын көтеруді жоспарлап отыр
Жолаушылар тасымалы
31.01.2023
"Жолаушылар тасымалы" АҚ билетсіз жүретіндерге бақылауды күшейтті
Қауіпсіздік
31.01.2023
2022 жылы теміржол өткелдерінде 26 жол-көлік оқиғасы тіркелген
Жаңалықтар
31.01.2023
Техникалық сабақ өткізудің маңызы зор
Аймақтар
31.01.2023
Шу белгі беру дистанциясы жақсы көрсеткішке қол жеткізді
Қауіпсіздік
31.01.2023
Пойыздардың қозғалысына нұқсан келтіретін жайттар 11%-ға кеміген
Мұрағат
31.01.2023
«Қазақстан теміржолшысы» газеті, №7 31 қантар 2023 жыл
Жаңалықтар
30.01.2023
Маңғыстау қосалқы бөлімінде кітап көрмесі ұйымдастырылды
Жаңалықтар
30.01.2023
Петропавлда отандық вагондар шығарыла бастады
Қауіпсіздік
30.01.2023
Машинистер жол бойындағы келеңсіздіктің алдын алуға барынша тырысуы керек – Прокуратура
Әлеумет
30.01.2023
«Нұрлы жол» вокзалы мүгедектігі бар жандар үшін қолайлы бола түспек
Жаңалықтар / ҚТЖ келбеті
30.01.2023
Ардагер – тоқсан жаста
Жаңалықтар
29.01.2023
Елдің мазасын алған жолаушы пойыздан түсірілді
Әлеумет
28.01.2023
Әлеуметтік жобаға қолдау көрсетілуде
Жаңалықтар
27.01.2023
ҚТЖ басшысы Президентпен кездесті
ҚТЖ келбеті
27.01.2023
Құрметті теміржолшы Алик Досанов алпыс жасқа толды
Қауіпсіздік
27.01.2023
Пойыздардың терезесін таспен атқылау әлі де кездеседі – желілік полиция
Аймақтар
27.01.2023
Қазалыдағы станция жолдарына санитарлық тазалық жүргізілді