Биыл семейлік теміржолшылар Қаражыра кенішінен 5,7 млн тонна көмір тасымалдады

Жүк тасымалы
16.11.2023, 09:53
Суретті түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесі бойынша жүк тасымалының негізгі басым бөлігін көмір тасымалы құрап отыр.  Әлеуметтік маңызды жүкті тиеу мен түсіру жұмыстары тіпті жазғы мезгілдің өзінде күн тәртібінен түскен емес.  

Биылғы жылы семейлік теміржолшылар Қаражыра кенішінен 5,7 млн тонна көмір тасымалдапты. Бұл жылдық жоспардың 86,1 пайызын құрайды. Ағымдағы жылғы қарқын бұрынғы жылдармен салыстырғанда біршама жоғары. Әсіресе шетелге көмір экспорттау ісінде елеулі табыс бар. Өткен он айдың көрсеткішіне үңілсек, ел көлеміндегі қажеттілікті өтеу үшін 4,6 млн тонна қатты отын тиелінсе, шетелдерге жөнелту үшін 1,1 млн тонна тасымалданған. Негізгі тұтынушылар Абай және Шығыс Қазақстан облысы, ал экспортталатын елдер іргелес Ресей мен Орта Азия мемлекеттері.

Биылғы жылға көмір тасымалдау мамыр айынан қарқын алған болатын. Оның нәтижесі қазір, қатты отын тиеу мен жеткізудің маусымдық сипат алған кезінде байқалып отыр. Жылдағыдай «көмір безгегі» жоқ. Әйтсе де, бұл тараптағы барлық техникалық процесс қатаң бақылауда тұр. Бөлімше бастығы Алмас Сейсемқановтың басшылығымен құрылған арнайы штаб белсенді жұмыс жүргізуде. Босаған вагондарды көмір тиеу үшін өз уақытында жинап алу, өндіріс барысында кідіріс болдырмау, жартылай вагондардың айналымын жылдамдату, т.т. түгел бақылауда. Қатты отын тасымалы штаттық режимде жүргізілуде.

Жалпы, биылғы ерекшелік, бөлімшедегі барлық көмір тұйықтары жазғы мезгілдің өзінде толтырылып отырды. Соның нәтижесі күллі аймақ көлемінде қатты отынның мол қоры жасақталды. Мәселен, ірі зауыттары бар Өскемен қаласындағы «Сейком» ЖШС бастаған бірнеше серіктестік қазан айына дейін 158,4 тонна көмірге тапсырыс беріп, оның жартысынан астамы жазғы мезгілде жеткізіліп беріпті. Жеке сектор үшін де көмір сатып алуда ешқандай әуре-сарсаң орын алған жоқ.

Бөлімшедегі барлық тораптық станцияларда көмір тиелген жылжымалы құрамдар іркіліссіз жіберіледі. Негізгі күш бірінші класты жүк станциялары Дегелең және сұрыптау жұмыстары жүргізілетін Жаңа-Семей мен Семейге түсуде.  

Тораптық жүк станциялары мен бөлім басшылары кіретін арнайы штаб теміржол тұйықтарындағы көмір қорына да тұрақты түрде есеп жүргізіп отырады.  

Мәселен, бүгінгі күнге дейін Шығыс Қазақстан облысының барлық қоймалары мен алаңдарында 16,6 мыңнан астам коммуналдық-тұрмыстық қажеттіліктегі көмір қоры бар. Көмір тұтынудағы қажеттіліктері аса жоғары, бірнеше іргелі кен байыту комбинаттары бар қала үшін бұл жоғары нәтиже. Ал бұл көрсеткіш Қаражыра кеніші орналасқан Абай облысы бойынша 6,2 мың тоннаны құрайды.

Ағымдағы қараша айы бойынша көмір жөнелтуші «ВостокУгольПром» ЖШС жоспары бойынша 783,5 тоннаның қатты отынын тиеу межеленген. Бұл орайда аталмыш серіктестіктің тапсырысына орай бос жылжымалы құрамдармен қамтамасыз ету ісі толыққанды түрде жүргізілуде.

 

Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады
Жолаушылар тасымалы
11.04.2024
Жолаушылар пойызында қыз бала дүниеге келді
Әлеумет
11.04.2024
«Кедентранссервис» су тасқынынан зардап шеккендерге көмек жіберді
Аймақтар
11.04.2024
Теміржолшыларға алғыс айтты
Аймақтар
11.04.2024
Қызылордада экологиялық айлық аясындағы жұмыстар жалғасуда
Жаңалықтар / Апта саны
11.04.2024
7 мыңнан астам адам су басқан аймақтардан пойызбен шығарылды
Әлеумет
11.04.2024
Түркістан станциясы су тасқынынан зардап шеккендерге біркүндік еңбек ақысын аударды
Инфрақұрылым
11.04.2024
Елімізде жүк және жолаушылар тасымалына инвестиция үш есе артқан
Әлеумет
11.04.2024
«Жолаушылар тасымалы» АҚ су тасқыны қаупі бар аймақтардан балаларды тасымалдайды