Көмір тасымалында ең жоғары көрсеткіш тіркелді

Жүк тасымалы
21.11.2023, 09:58
Суретті түсірген автор
Қуаныш Қожаев

Абай облысы бойынша меншікті тілші

Семейлік теміржолшылар биылғы жылу маусымында тұрғын үй-коммуналдық шаруашылық саласын көмірмен қамтамасыз етуде жоспарлы шараларды толығымен орындады. Бұл орайда күллі республика бойынша ең жоғары көрсеткіш ел шығысында тіркелді.

Қазіргі таңда жергілікті теміржолшылар аймақтағы қатты отынға деген сұранысты 90 пайызға дейін толығымен өтеді. Соның ішінде әлеуметтік аз қамтылған санаттағы тұрғындарға көмір жеткізу ісі жоспар бойынша 50 пайызды көрсетіп отыр. Бұл еліміздегі жоғары көрсеткіш саналады. Оған қол жеткізуге бірден бір себеп – жазғы мезгілдегі арнайы құрылған штаб қызметінің нәтижесі.  

– Штаб жұмысының негізгі мақсаты мамыр айынан бастап қолға алынған коммуналдық-тұрмыстық бағыттағы көмір тасымалын ширату болатын. Бұл ретте көмірдің жалпы көлемінің 50 пайызы жазғы мезгілдің өзінде-ақ тасымалданып жеткізілді. Қоймалар мен теміржол тұйықтары күзгі мезгілде қатты отынмен толық қамтылды, – дейді бұл орайда Семей ЖТ бөлімшесі бастығының логистика бойынша орынбасары Талғат Зияданов.  

Теміржолшылардың бұл еңбегі аймақтағы көмір бағасына да тікелей әсер етіп, биыл қатты отын бағасы көтерілген жоқ. Тіпті шалғай ауылдардың өзінде де арзан бағадағы көмірге кезексіз қол жеткізу оңайға түсіп отыр. Оның үстіне биылғы жылы «Қаражыра» кенішінен жұртшылық «орех» атап кеткен, қызуы аса жоғары, сұрыпталған, кесектері ірі, сапалы көмір көбірек босатылып, Семей, Өскемен, Аягөз станцияларының тұйықтарына дер кезінде жеткізілді.  

Жалпы, семейлік теміржолшылар биылғы қатты отын тасымалына көптеген жаңашылдықтар енгізген болатын. Мәселен, бөлімше басшылығы арнайы қауырт желі жұмысын жолға қойды. Жылу орталықтары мен қазандықтар, көмір саудалаушы серіктестіктер мен ұйымдар тәулік бойы үзіліссіз жұмыс істейтін Колл-Орталыққа хабарласып, өтініш пен ұсыныс немесе шағым түсіруге мүмкіндік алды. Мұның сыртында барлық клиенттер бөлімше басшысының WatsApp нөміріне арыз-шағым жазып, тіпті дәлел ретінде фото-бейне жазбалар да жолдауға болады. Соның арқасында көмір жеткізу мәселесінде логистика саласы мамандары тарапынан нақты шаралар дер кезінде қабылданып отырды.  

Бұл шаралардың сыртында «Қазтеміртранс» АҚ вагондарының айналымын біртіндеп жоғарылату, жергілікті атқарушы органдар өкілдерімен бірлесіп тұрғындар үшін жеңілдікпен берілетін көмір алатын кірме жолдардың аудитін жүргізу сынды тың міндеттер сәтімен жүзеге асырылған болатын. Сондай-ақ барлық станция басшылары бөлімшенің логистика және жүк тасымалын ұйымдастыру бөліміне әр тәулік сайын көмір тұйықтарындағы, қоймалар мен жылу қазандықтарындағы көмір қоры жайында кесте түріндегі есеп өткізіп отырды. Осы атқарылған жұмыстар қазіргі таңда өз жемісін беруде.  

Бүгінде бөлімше бойынша қатты отын тасымалы штаттық режимде жүргізілуде. Техникалық процесс пен аймақтағы барлық көмір тұйықтары ұлттық компания тарапынан құрылған мониторингтік топтың бақылауында тұр.  

 

Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды
Жаңалықтар
19.07.2024
Мемлекеттік тілді дамыту бойынша өткен байқаудың жеңімпаздары анықталды
Станция тынысы
19.07.2024
Шағыр станциясында жүк тиеп жөнелту артып келеді
Аймақтар
19.07.2024
«Жасыл істер марафонында» Жамбыл бөлімшесі бірінші орынды жеңіп алды
Жүк тасымалы
19.07.2024
Биыл Қытайға 2 млн тоннадан астам астық экспортталмақ
Сұхбат
19.07.2024
Барлық сын-тегеурінге төтеп бердік
Инфрақұрылым
19.07.2024
11 мың шақырым теміржол жөндеуден өтеді
Жаңалықтар / Мұрағат
19.07.2024
«Қазақстан теміржолшысы» газеті, №59 19 шілде 2024 жыл
Қауіпсіздік
18.07.2024
Темір жолдағы химиялық апаттарды жою бойынша оқу-жаттығу өтті
Әлеумет
18.07.2024
50 бала лагерьге аттанды
Қауіпсіздік
18.07.2024
Жанып келе жатқан жолаушылар пойызы сөндірілді
ҚТЖ келбеті
18.07.2024
Велосаяхатшы сапарға шықты
Жүк тасымалы
18.07.2024
Қазақстанда теміржол көлігімен тасымалданатын шикізаттық емес экспорт көлемі артты