KTZ Express транзит көлемін ұлғайтуды көздеп отыр
«Қазақстан теміржолшысы» газетінің тілшісі
«KTZ Express» Транскаспийлік халықаралық көлік бағдары бойынша транзит көлемін ұлғайтуда.
«KTZ Express» Қытайдың Сиань қаласынан Әзірбайжанның Апшерон станциясына Транскаспийлік халықаралық көлік бағдарын дамыту шеңберінде Қазақстан аумағы арқылы транзитпен жүктерді жеткізу бойынша тұрақты сервисті іске асырады.
Жыл басынан бері ТХКБ бойынша тасымалданған жүктердің көлемі оң динамиканы көрсетіп келеді. Қаңтар айының соңына дейін шамамен 10 контейнерлік пойыз жөнелтіледі деп жоспарлануда, бұл өткен жылдың сәйкес кезеңімен салыстырғанда айтарлықтай өсімді білдіреді.
KTZ Express транзит көлемін ұлғайтуды көздеп отыр және бұл үрдісті ай сайынғы негізде одан әрі қолдауға ниетті. Жалпы ұзындығы 5100 км-ден асатын бағыт үш мемлекеттің аумағы арқылы өтеді: Қытай, Қазақстан және Әзірбайжан. Жеткізу мерзімі 10-нан 12 күнге дейін уақытты құрайды.