Дегелең станциясында көмір тасымалында іркіліс жоқ

Жүк тасымалы
15.03.2024, 10:05
Қуаныш Қожаев

Абай облысы бойынша меншікті тілші

Семей жүк тасымалы бөлімшесі бойынша өндірістік процестер ең қарқынды жүргізілетін учаскелік станциялардың бірі – Дегелең. Мұнда әлеуметтік маңызды жүк – көмір тиеу жұмыстары жыл бойы жалғасады. Осы ретте қатты отын тасымалы бөлімше басшылығы мен жергілікті әкімдік назарынан түскен емес.

Осыдан біраз уақыт бұрын Абай мен Шығыс Қазақстан облыстарының коммуналдық-тұрмыстық секторына және жылу көздеріне көмірді уақытында жеткізу үшін «Қаражыра» АҚ және «ҚТЖ» АҚ арасында бірлескен түрде вагондармен қамтамасыз ету кестесі бекітілген болатын. Қазіргі таңдағы басты мәселе осы үдеден табылу болып отыр. Яғни, босаған вагондарды уақытында жинап алу, өндіріс барысында кідіріс болдырмау, ашық вагондардың айналымын жылдамдату күн тақырыбынан түскен жоқ. 

 

Бір ғана Абай облысы бойынша көмірдің жалпы жылдық қажеттілігі 1 миллион 260 мың тоннаны құрайды екен. Осы ретте дегелеңдік теміржолшылар ағымдағы жылыту маусымында облысты 539,5 мың тонна қатты отынмен қамтамасыз етіпті. Бұл жылдық жоспардың 91 пайызы орындалды деген сөз.  

Қазіргі таңда аймақтағы барлық теміржол тұйықтарында ең кемі екі аптаға жетерлік көмір қоры бар. Ондағы отын қоры шамамен 15,3 мың тоннаны құрайды. Семей, Жаңа-Семей, Аягөз, Өскемен-1 сынды ірі тораптық станцияларға вагонмен көмір жеткізу ісі бекітілген кестеге сай жүргізілуде. Тәулік сайын облыс көлеміндегі әрбір теміржол тұйығына орта есеппен алғанда 30 вагон көмір немесе 2 мың тонна қатты отын уақытында жеткізіледі.  

Жуырда Дегелең станциясына арнайы жұмыс сапарымен барған бөлімше басшысының бірінші орынбасары Ғабит Досқожанов өндірістік процесті қадағалап, тексеру жүргізіп қайтты. Теміржолшылар тарапынан шағым жоқ, үдеріс барысы штаттық режимде жүргізіліп жатыр. Теміржолшылар тәулігіне сұранысқа қарай 450-490 вагоннан тұратын 6 немесе 7 жылжымалы құрам жолға шығара алады. Тек ауыр салмақты пойыздарды құрастыру біршама күшті талап етеді.  

Айта кетерлігі, жылу маусымының аяқталуына аз уақыт қалғанымен сұраныс азаймай отыр. Сондықтан да облыстың өңірлік операторларымен қолда бар келісімшарттар бойынша көмір жөнелтуге өтінімдерді ұлғайту мәселесі қайтадан қаралған болатын. Яғни, Дегелең станциясынан жөнелтілетін вагондар санын арттыру мәселесі күн тақырыбына қайта шығуы мүмкін. Әйтсе де, теміржолшылар қауымы тосыннан қабылданатын кез келген шараға дайын отыр.  

Жалпы Қаражыра көмір кеніші тиелетін қатты отын көлемін 2018 жылдан бастап ұлғайтып келе жатыр. Алдағы жылдарға қойылған басты меже – жылына 10 млн тонна көмір тиеліміне қол жеткізу. Бүгінгі күні теміржол тұйықтарында қайнаған қарбаласқан тірлік жоқ, жылу көздерінде көмірдің нормативтік пайдалану қоры бекітілген көрсеткіштерге сәйкес келеді, көмір қоры өтінімдерге сәйкес жеткізілуде.

 

ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр
Жолаушылар тасымалы
25.08.2025
ҚТЖ-ның жолаушылар пойыздарында 140 ереже бұзушылық анықталды
Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын