Қазақстан мен Ресей арасындағы теміржолмен тасымалдау 71,6 млн тонна болды

2025 жылдың қаңтар — қазан айларының қорытындысы бойынша Қазақстан мен Ресей Федерациясы арасындағы темір жол көлігімен тасымалдау көлемі 71,6 млн тоннаны құрады, бұл өткен жылдың осы кезеңімен салыстырғанда 5% -ға артық, оның ішінде жүк экспорты 5% -ға өсіп, 43,8 млн тоннаға жетті, деп хабарлайды Rail-news.kz.

Үстіміздегі жылдың он айында қазақстандық көмірді Ресей порттары арқылы тасымалдау көлемі 9,6 млн тоннаны құрады, бұл 2024 жылдың осы кезеңімен салыстырғанда 2,5 млн тоннаға (+34%) артық. Негізгі бағыттары: Балтық теңізінің порттары - 6,2 млн тонна (+18%), Азов-Қара теңіз бассейнінің порттары - 3,4 млн тонна (+83%).

Ағымдағы жылдың он айында Қазақстаннан Ресей аумағы арқылы астық экспорты 2024 жылдың осы кезеңімен салыстырғанда 5 есеге артып, 1,9 млн тоннаға жетті. Ресей порттары арқылы 500 мың тонна экспортталды, бұл өткен жылғы деңгейден 20% жоғары.

Экспортталатын астық жүктерінің құрылымы: астық, жасымық және техникалық дақылдардың тұқымдары. Негізгі алушы елдер: Италия, Бельгия, Түркия, Алжир және басқалары.

Қазақстан мен Ресей арасындағы теміржол бағыттары бойынша контейнерлерді тасымалдау да тұрақты өсімді көрсетіп отыр. Есепті кезеңде 650 мың ЖФЭ тасымалданды, бұл өткен жылдың осы кезеңімен салыстырғанда 13% -ға көп.

ҚХР – РФ - ҚХР бағыты бойынша тасымал соңғы алты жылда 15 есеге - 33,4 мыңнан 512 мың ЖФЭ дейін өсті, ал ағымдағы жылдың он айында 2024 жылдың осы кезеңімен салыстырғанда тағы 9% ұлғайды.

"ҚТЖ "ҰК" АҚ мен "РТЖ" ААҚ көлік дәліздерін дамыту, шекара маңындағы өткелдердің өткізу қабілетін арттыру, цифрлық сервистерді енгізу және тасымалдаушылар үшін қолайлы жағдайлар жасау жөніндегі бірлескен жұмысты жалғастыруда. Бірлескен күш-жігер екі елдің транзиттік әлеуетін нығайтуға және жүк ағындарының тұрақтылығын қамтамасыз етуге бағытталған.