Шығыста астық тасымалы басталды

Жүк тасымалы
16.07.2021, 11:57
Қуаныш Қожаев

Абай облысы бойынша меншікті тілші

Елдің шығысында күздік бидайға орақ салынды. Шілденің басында пісіп жетілген ел ырысын қамбаға жеткізіп, құйып алуға семейлік теміржолшылар да атсалысуда. Бүгінде Шар – Жарма, Семей – Локоть телімінің бойындағы бірқатар станцияларда астық тиеу науқаны қарқын алуда. Осы айдың алғашқы күндерінен бері станция қызметкерлері бос вагондарды жинап, тиелген астықтарды Семейдегі қамбаға жөнелту бойынша қарқынды жұмысқа көшкен. Сәйкесінше, бірқатар мәселелер де туындауда. Атап айтсақ, жүзге тарта теміржолшы еңбек ететін, жүк тасымалы бойынша қозғалыс барысы аса жоғары Ауыл станциясында астық тасымалына орай қарбалас басталды. Жергілікті диқандар тарапынан жүк жөнелтуге байланысты өтінімдер көп түсе бастаған. Сондықтан жабық контейнерлермен тасымалданатын сусымалы өнімдерді діттеген жерге жеткізу міндеті күн тақырыбына қойылды. Соған орай станцияның тауар кассасы мен пойыз құрастырушылар жұмысы артты. Дәл қазіргі күндері бір техникалық процесс барысында 6 вагонды жылдам әзірлеп жолға шығара аламыз. Дегенмен өңірдегі астықпен қатар, қарақұмық, рапс және күнбағыс дақылдарының пісуіне байланысты алдағы айдан бастап жұмыс одан әрі күрделене бермек. Сондықтан, бөлімшеге қосымша маневрлік пойыз сұрап, өтініш жібердік. Басты тапсырыс беруші «Шығыс-Астық» ЖШС биылғы жылғы тасымалданатын өнімнің мол болатынын айтуда, – дейді істің басы-қасында жүрген Ауыл станциясының басшысы Қарлығаш Райымханова. Астық тасымалы жаңа қарқын алғанымен станция қызметкерлері жоспарлы межеден ауытқымай еңбек етуде. Керісінше, науқанды пайдаланып көрсеткіш көлемін апта сайын еселеп өсіру көзделуде. Қазіргі күні бір мезетте 15 вагонды жолға шығаруға мүмкіндік бар екендігі дәлелденді. Бүгінде бір жөнелтілім бойынша ең кемі 6 немесе 10 вагонға тапсырыс беріледі екен. Қазіргі таңда ұлттық компаниямен тығыз әріптестік орнатқан«Шығыс- Астық» ЖШС кірме жолдарында қарбалас басталып келеді.Қырманнан астық қоймаларына, одан станция басына жеткізілетін ас атасы бидай белгіленген жерге қатаң күзетпен жөнелтіледі.Биылғы ерекшелік – тасымалданатын барлық астық әзірге тек ел ішіндегі қамбалар мен ұн-құрама жем комбинаттарына ғана жөнелтілуде. – Станциялар бойынша астық тиеу мен жеткізуде кедергі болмайды деп ойлаймыз. Жабық вагондардың жеткілікті болуына күш салудамыз. Тасымал процесі басшылықтың қатаң назарында тұр. Өткен жылы өңірімізде миллион тоннадан жоғары көлемде ауыл шаруашылық дақылдары жиналған болатын. Оның 450 мың тоннадан астамы бидай өнімі болатын, – дейді бұл орайда пікір білдірген бөлімшенің логистика және тасымалды ұйымдастыру бөлімінің мамандары. Алайда, биылғы меже бұдан да жоғары болады деп күтілуде. Оған себеп, ҚР Премьер-Министрі Асқар Мамин Семей қаласына сапар барысында күнбағыс тұқымын өңдейтін «Qazaq astyq group»ЖШС атты май экстракциялайтын зауытты ашқан болатын. Кәсіпорынның қуаттылығы – тәулігіне 1000 тонна күнбағыс тұқымын немесе 800 тонна зығыр тұқымын өңдеп шығарады. Қазіргі таңда кәсіпорынның кірме жолы жөндеуден өткізілген, ондағы маневрлік қозғалыс барысы Семей станциясы қызметкерлерінің жіті қадағалауында. Өндіріс толық қуатына көшкен шақта оған жөнелтілетін вагондар саны да жоспарлы түрде еселеп өспек. Жалпы, бөлімше бойынша Семей, Жаңа-Семей, Жаңғызтөбе, Аягөз, Ауыл, Белағаш станциялары бойынша астық тасымалының басталуына орай даярлық шаралары соңғы кезеңге жеткізілген. Себебі, алдағы айдан бастап қарақұмық, күнбағыс, соя тиеуге өтінім беретін жеке клиенттер саны артады. Егер ел үкіметі астық пен мал азықтық дақылдарды шет елге шығаруға тыйым салмайтын болса, жылдағыдай Ауғанстан, Моңғолия, Орта Азия мемлекеттері т.б елдерге де пойыз құрастырып, жолға шығарылатын болады.

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек