Астықты контейнерлік тасымалдау-жұмысты азайтып, уақытты үнемдудің амалы
«Қазақстан теміржолшысы» газетінің тілшісі
«Кедентранссервис» АҚ бас директоры Арман Сұлтанов шаруашылықтардың қысқы маусымға дайындығымен танысуға компанияның Қостанай облысындағы филиалына барды, деп хабарлайды Rail-news.kz. Бас директордың сапары барысында филиалдың ғимараттары мен құрылыстарының, жүк көтеру механизмдері мен көлік құралдарының техникалық жағдайы тексерілді. Жұмыс орындарының еңбек қорғау ережелері талаптарына сәйкестігі және қызметкерлердің қысқы арнайы киіммен қамтамасыз етілуіне ерекше назар аударылды. Бұдан басқа, астықтың және басқа да отандық ауыл шаруашылығы өнімдерінің экспорттық жөнелтілімдерін контейнерлеу мүмкіндіктері қарастырылды.
«Астықты контейнерлік тасымалдау, маршрут бойынша қайта тиеу және аралық қоймаларды пайдалану қажеттілігінің болмауына байланысты, шығындарды азайтып, соңғы алушыға тауарды жеткізу уақытын едәуір қысқартады», – деді Арман Сұлтанов.
Жоғарыда айтылған жылдық дайындық жұмыстары компанияның барлық филиалдарында жоспарлы түрде жүргізілуде және бекітілген ережелер мен «ҚТЖ» ҰК» АҚ бұйрықтарына сәйкес белгіленген мерзімде аяқталмақ.