Контейнерлердің саны мен сапасы анықталмақ
«Қазақстан теміржолшысы» газетінің тілшісі
Қазақстан темір жолында контейнерлер санағын жүргізу басталды. Бұл туралы ТМД мемлекеттері мен Грузия, Латвия, Литва және Эстонияның Темір жол көлігі жөніндегі кеңесінің биылғы 15 қыркүйекте өткен теміржол көлігіндегі оперативтік және статистикалық есеп әдіснамасы мәселелері жөніндегі комиссиясының 14-ші отырысында айтылып, бекітілді. Санақ жұмысы контейнерлердің жалпы желілік заттай санағы жөніндегі нұсқаулықта белгіленген тәртіппен жүргізіледі. Контейнерлер санағын сапалы дайындау мен жүргізуді және оның нәтижелерін тапсыруды қамтамасыз ету үшін санақты ұйымдастыру және жүргізу жөніндегі комиссия құрылды. Оның құрамында «ҚТЖ-Жүк тасымалы» ЖШС бас директорының міндетін атқарушы В.Петровтан бастап, аталған серіктестіктің вагон шаруашылығы департаменті, компанияның «Көп функционалды қызмет көрсету орталығы» филиалы бизнес-аналитика департаменті, «Автоматтандыру және цифрландыру дирекциясы» филиалы өкілдері бар. Комиссия төрағасы барлық жерде санақ материалдарын көбейтуді, санақты жүргізуге сапалы дайындықты, контейнерлердің санақпен толық қамтылуын, «ҚТЖ-Жүк тасымалы» жауапкершілігі шектеулі серіктестігінің бөлімшелері бойынша санақ нәтижелері туралы ақпараттың дұрыстығын, сондай-ақ ол ақпараттардың дер кезінде тапсырылуын қамтамасыз етуді тапсырды. Жүк тасымалы бөлімшелері директорлары меншігінде кірме жолдары бар ұйымдар басшыларымен станциялардың қызметкерлерінен құрылған санақ бригадаларының жалпы пайдаланылмайтын жолдарға кіруіне рұқсат беру тәртібін дер кезінде келісуі керек. Ал станция бастықтары қыркүйектің 13-і мен 14-і аралығында санақ тізімдеріндегі контейнерлердің нөмірлері туралы деректердің дұрыстығын қамтамасыз ету үшін станциялар мен жалпы пайдаланылмайтын жолдарда, контейнерлік алаңшаларда және кірме жолдарда ұзақ уақыт бос тұрған контейнерлердің нөмірлерін алдын ала көшіріп жазуы қажет. Сонымен қатар контейнердегі және санақ тізіміндегі әр нөмірдің дұрыстығын оперативтік тексеру үшін техникалық және ақпараттық құралдардың барлық мүмкіндіктерін қолдануды қамтамасыз етуі тиіс.