Магистраль бойындағы модульдік кабельдер жаңарады

Инфрақұрылым
31.03.2023, 09:22
Суретті түсірген автор
Ардақ Ерубаева

Ақтөбе облысы бойынша меншікті тілші

Бейнеу – Жезқазған темір жолының бойындағы Шалқар – Тассай телімінде электр желілерінің күйі мен күтімі сенімді қолда. Биыл бағдаршамдар мен жол бойындағы шамдарға ревизия жасалып, модульдік кабельдер ауыстырылады.

Жалпы, еліміздің транзиттік әлеуетін еселеп арттырған Бейнеу-Жезқазған магистралі пайдалануға берілгеніне санаулы ғана жыл өтсе де жүк тасымалы жылдан-жылға артып, жол бойындағы ірілі-ұсақты станциялар дамып жатыр.  

Шалқар электрмен жабдықтау дистанциясына қарайтын Тассай учаскесі осы магистраль бойындағы 207 км байланыс желісін қамтиды. Олар Шалқар-Тассай аралығындағы алты разъезд бен үш станцияға электр энергиясын беріп отыр. Желіге сапалы техникалық қызмет көрсету талапқа сай жүруде. 10 мың киловольттық трансформатор мен кабельдік желілер жұмысы тұрақты бақыланады.  

Жуырда Шалқар-Тассай аралығындағы электр қондырғылары сынақтан өтті.  

«2022 жылы алты разъездегі электр желілеріне ағымдағы жөндеу жүргізілді. Станциялардағы 4000-6000 вольттық трансформаторларға ревизия жасалды. Әуе желісіндегі электр жүйелері тексеріліп, бағаналар бойындағы ақаулар қалыпқа келтірілді. Сонымен қатар жоспарлы алдын алу шаралары үнемі атқарылады. Бұл жұмыстар барысында әрине еңбек қорғау ережелерін сақтауға ерекше көңіл бөлінеді», – дейді Тассай электрмен жабдықтау учаскесінің бастығы Кенжетай Есболсынов.  

Заманауи үлгіде салынған Тассай учаскесіндегі барлық тіршілік көзі электр қуатымен байланысты. Пойыздар қозғалысын реттеп отырған кабелдік желілер мен бағдаршамдар, белгі беру және байланыс жүйесі, станциялардағы диспетчерлер жұмысы – бәрі-бәрі электр көзімен тікелей байланысты. Одан бөлек елді мекендер мен кеңселер, жұмысшылар жатақханасындағы жылу мен суға дейін электр қуатымен жұмыс істейді. Сондықтан Тассай электрмен жабдықтау учаскесінің ұжымы жауапкершілік жүгін жақсы түсініп, қуат көзінің бір минут та үзілмеуін қадағалайды.  

«Күн жылына бастады, таяу күндері модульдік кабельдерді ауыстыра бастаймыз. Жеті генератордың үздіксіз жұмыс жасауын қадағалайды. Ақау болса, генератор көмегіне жүгінеді. Бірақ қазіргі күнге дейін ондай жағдай болған жоқ», – дейді учаске басшысы.  

Айтуынша, қарамағында 21 адам жұмыс істейді. Оның жетеуі аға электр механик, қалғаны электр механиктер. Бәрі де қауіп-қатері мол кәсіпті терең меңгерген мамандар.  

 

Жаңалықтар
21.06.2024
ҚТЖ-да мүмкіндігі шектеулі адамдар да жұмысқа шақырылды
Жүк тасымалы
21.06.2024
Контейнер тасымалы: келешекте көкжиегі кеңейеді
Жаңалықтар
21.06.2024
Санитарлық талаптар сақталуы тиіс
Жүк тасымалы
21.06.2024
ТХКБ-ны дамыту келісімі ратификацияланды
Жүк тасымалы
21.06.2024
Ақтау порты логистикалық торапқа айналады
Жаңалықтар
21.06.2024
ҚТЖ арнайы киім мен ЖҚҚ есебін автоматтандырады
Жаңалықтар / Мұрағат
21.06.2024
«Қазақстан теміржолшысы» газеті, №52 21 маусым 2024 жыл
Жаңалықтар
20.06.2024
Астана вокзалында ерекше көрме өтіп жатыр
Аймақтар
20.06.2024
Семейде қалаішілік жаңа желінің құрылысы басталды
Әлемде
20.06.2024
Hyundai Rotem Өзбекстанға алты жүрдек пойыз жеткізеді
Қауіпсіздік
20.06.2024
Түркістан түлеп келеді, ал өткелдің жайы өзекті
Қауіпсіздік
19.06.2024
Өндірісте еңбек қауіпсіздігін сақтау маңызды
Темір жол тарихы
19.06.2024
Теміржол тарихы: Әулиеатаға теміржол қалай келді?
Спорт
19.06.2024
Атырауда теміржолшылардың жазғы спорт алаңы ашылды (Фото)
Жаңалықтар
19.06.2024
ҚТЖ-да "Үздіктер алаңы" корпоративтік даму бағдарламасы басталды
Әлеумет
19.06.2024
Ақмолалық дәрігер жүрдек пойызда толғағы қысқан әйелді босандырды
Әлемде
19.06.2024
Euro-2024 жанкүйерлері үшін Германия жаңа жүрдек пойызды іске қосты
Әлемде
18.06.2024
Мамырда Қытай-Еуропа бағытындағы жүк пойыздар рекордтық көрсеткішке жетті
Инфрақұрылым
18.06.2024
Шымкенттің вокзалы жаңа келбетке ие болды
Жолаушылар тасымалы
18.06.2024
Елдің батысына су жаңа вагонмен қамтылған пойыздар жүре бастады