Ақтөбе облысында Қарауылкелді вокзалын қайта жаңарту аяқталды
Ақтөбе облысында 1945 жылы салынған Қарауылкелді теміржол вокзалын қайта жаңарту толық аяқталды. Жұмыстар Мемлекет басшысының тапсырмасы бойынша іске асырылып жатқан еліміздің теміржол вокзалдарын жаңғырту бағдарламасы шеңберінде орындалды, деп хабарлайды Rail-news.kz.
Қайта құру барысында бір қабатты ғимараттың ауданы 112-ден 207,73 ш.м. м. дейін ұлғайтылды. Жақтау мен шатыр толығымен жаңартылып, қасбеті фиброцемент тақтайшалармен қапталған. Ішкі инженерлік желілер жаңғыртылып, әрлеу жұмыстары жүргізілді, іргелес аумақ абаттандырылды.
Ішкі бөлмелерде қабырғалар су негізіндегі бояумен сәндік сылақпен безендіріліп, «Армстронг» түріндегі аспалы төбелер орнатылған. Едендерді жабу үшін фарфор плиткалары мен модульдік винил тақталары қолданылған. Вокзал жаңа жиһазбен және қажетті жабдықтармен жабдықталған. Жұмыстарды жүргізу кезінде қазақстандық өндірістің материалдары қолданылды.
Қарауылкелді вокзалы 2 типке жатады. Орташа тәуліктік жолаушылар ағыны шамамен 66 адамды құрайды. Станция арқылы оны Семеймен, Маңғыстаумен, Бейнеумен, Атыраумен, Оралмен, Ақтөбемен, Көкшетаумен, Бурабаймен, Қостанаймен, Шымкентпен, Түркістанмен, Таразбен және Шумен байланыстыратын 12 пойыз қатынайды.
Жоба Қазақстан Республикасы Үкіметінің, Көлік министрлігінің, «Самұрық-Қазына» АҚ және Ақтөбе облысы әкімдігінің қолдауымен«Қазақстан темір жолы» ҰК» АҚ-ның өз қаражаты есебінен іске асырылды.
