15-ші бекеттегі станциялық жолдың 1650 метрге ұзартылуына орай құрылғылар тексеріліп жатыр

Инфрақұрылым
12.10.2021, 12:56
Сабырхан Сейілбекұлы

Қызылорда облысы бойынша меншікті тілші

Қызылорда белгі беру және байланыс дистанциясының жұмыс тобын өткен айда ғана жолы ұзартылған 15-ші бекет басындағы құрылғыларды бақылаудан өткізіп, ағымдық күтім жасау жұмысы барысында кездестірдік. Бекеттегі станциялық жолдың 1650 метрге ұзартылуына байланысты кешенді өзгеріс жасалған, бекет жолдарындағы байланыс құрылғыларының жұмысында осы уақытқа дейін іркіліс болмапты. Жаңа ординат бойынша орналастырылған бекеттің ішкі, кіріс-шығыс бағдаршамдары, бағыттамалық бұрмалардағы құрылғылар, желі жалғастырғыштары, байланыс желілері арнайы құрылғылармен тексеріліп, теміржолшылардың назарынан тыс қалмай, түгел бақылауда тұр. Бұл байланысшылардың пойыздардың қозғалыс қауіпсіздігін сақтауды арттырудағы ең басты жұмысы саналады. Бұл жұмыстарға станция мен жол шаруашылығының мамандары да атсалысуда екен. Бекет жолындағы бағыттамалық бұрмалардың Алстом жаңа құрылғысын ауыстырып, байланыс желілерін стандартқа сай монтаждау жұмысын атқарып жатқан дистанциялық бір топ теміржолшының жұмысын дистанция басшысының орынбасары Аянбек Бостанұлы ұйымдастырып жүр. Олардың тексеру барысын, жұмыс жайын сұрағанымызда жұмыстардың түгелі телімдерден жылжымалы құрамдарды кедергісіз өткізу, қозғалыс қауіпсіздігін арттыру үшін жасалып жатқандығын және де теміржолда «кішкентай» нәрсе болмайтындығын, дайындық не тексеру барысында назардан тыс қалып кеткен кез келген жайттың салдары қауіпсіздіктің бұзылуына ықпал етуі мүмкін екенін, сондықтан барлық құрылғының сүйем қарыс бөлшегінің технологиялық талапқа сай монтаждалуына аса мән берілетіндігін айтып берді жұмысшылар. Олардың сөзінен рельс бойындағы әр өлшемнің аса маңызды рөл атқаратындығын білдік.

– Бағыттамалық бұрмаға пойыз қарсы бағытта келе жатқанда қажетті жолға бұрылу үшін пайдалану ережесіне сай бұрма үшкірінің рельске жанасатын ұшы мен рельс қаңқасының арасындағы аралық 2 мен 4 мм өлшемде болуы шарт. Жалпы бағыттамалық бұрмаларды монтаждау немесе байланыс құрылғыларына ағымдық күтім жасау жұмысы болсын, технологиялық талап шеңберінен ауытқымауы керек. Қазіргі жаңа құрылғылар бұрынғы қолданыстағылармен салыстырғанда монтаж кезінде белгіленген өлшемнен айнымайтын беріктігімен ерекшеленеді. Дегенмен де қауіпсіздіктің сақталуы үшін бақылау, тексеру біздің жұмысымыздың басты қағидасы болып саналады, – деді Аянбек Бостанұлы.

Иненің көзінен жіп өткізгендей дәлдікпен атқарып, оны сенімділік үшін қайта-қайта өлшеп, жанындағы әріптестерінің әрбір өлшеміне мән беріп саралап отырған дистанциялықтардың қимыл-қозғалысы олардың өз ісін жетік меңгергендерін аңғартып тұрды.

Жүк тасымалы
17.05.2024
Транскаспий дәлізі арқылы теңіз порттарында жүктерді ауыстырып тиеу көлемі артты
Спорт
17.05.2024
Маңғыстау темір жолының 60 жылдығына орай шағын футболдан жарыс өтті
Қауіпсіздік
17.05.2024
Тілсіз жаудан сақтануда тәжірибе маңызды
Жүк тасымалы / Инфографика
17.05.2024
Биыл 4 айда теміржол көлігімен 81 млн тоннадан астам жүк тасымалданды
Қауіпсіздік
17.05.2024
Жолаушылар эвакуацияланды
Жаңалықтар
17.05.2024
Мектеп түлектері ҚТЖ мүмкіндіктерімен танысты
Қауіпсіздік
17.05.2024
Жол картасы: қауіпсіздік деңгейі артуда
Жаңалықтар / Мұрағат
17.05.2024
«Қазақстан теміржолшысы» газеті, №42 17 мамыр 2024 жыл
Жаңалықтар
16.05.2024
Қазақстан мен Латвия Транскаспий дәлізін дамыту туралы меморандумға қол қойды
Жолаушылар тасымалы
16.05.2024
ҚТЖ жазда 4,2 млн-нан астам жолаушыны тасымалдамақ
Жаңалықтар
16.05.2024
Қазақстанның iшкi су жолдарында жүк кемелері жүре бастады
Жаңалықтар
16.05.2024
Қазақстаннан Үрімшіге алғашқы жүк көліктері жөнелтілді
Спорт
16.05.2024
Үздік ойыншылар анықталды
Цифрландыру
16.05.2024
Теміржол көлігін цифрландыру мәселесі сөз болды
Спорт
16.05.2024
Ақтөбеде теміржолшылар арасында жеңіл атлетикадан жарыс өтті
Инфрақұрылым
15.05.2024
«Достық-Мойынты» желісінің құрылысы қалай жүріп жатыр?
Темір жол тарихы
15.05.2024
Қазақ теміржолының тарихы жайлы бейнематериалдар сериясы шығады
Спорт
15.05.2024
Үш бірдей жүлдеге ие болды
Жаңалықтар
15.05.2024
Темір жолда қоғамдық тәртіпті сақтау және тасымалдау процесінің қауіпсіздігі жөніндегі шаралар күшейтілді
Аймақтар
15.05.2024
Арыста ауқымды жұмыс атқарылды