1520 кеңістігінің жаңа мүмкіндіктері

 «Ресей темір жолдары» ААҚ президенті Олег Белозеров 10 жылдың ішінде форумның маңызды шешімдер қабылданатын алаңға айналғанын жеткізді. 1520 кеңістігінің ауқымы біртіндеп ғаламдық сипат алып келеді. Жемісті ынтымақтастықтың айғағы ретінде Индонезия елімен бірлескен жобаларды атауға болады.

– Соңғы жылдары әлемде ғаламат өзгерістердің орын алғандығы соншалық 1520 кеңістігі теміржолдарының бұдан әрі қарай жылжуы керектігін ақылдасатын қажеттілік туындады. Клиенттерге ыңғайлы тауар өткізуші тізбекті, жаңа көлік өнімдерін, көлік жасаушыны азайтып және сапа мен сервис толықтығын арттыратын  тиімді толассыз бағалар ұсыныстарын беруде шараларды бірлесе өткізу қажет. Бізде негіз болатын дүние көп, –  деді Олег Белозеров форум қатысушыларына.

Форум «Ағымдағы жағдайда жаңа мүмкіндіктерді қалай анықтауға болады?» деген пікір-таласпен басталды. Оған «ҚТЖ» ҰК» АҚ президенті Асқар Мамин де қатысты. Компания басшысы еуразиялық көлік дәлізін дамыту болашағындағы өзінің көзқарасымен таныстырды. Ол еуразиялық құрлықаралық көлік дәлізін құрудағы Қазақстанның транзиттік әлеуетін атап өтті.

– Қазақстан трансазиялық дәліздің дамуына айтарлықтай назар аударып отыр. Осы мақсатта Елбасының «Нұрлы жол» бағдарламасы қабылданып, онда барлық көлік түрлерінің кең көлемде жаңғыртылуы қарастырылады, – деп атап өтті А. Мамин. – Тек қана соңғы алты жылда 1700 шақырымдық жаңа темір жол желілері салынды.           

Оның айтуынша, Қазақстанда құрылған логистикалық инфрақұрылым 1520 темір жол табанымен қызмет көрсететін Қытай, Еуропа, Иран және Парсы шығанағы елдеріне ықпалдасуды күшейтті. Бұл өз кезегінде баламалы теңіз жолынан бас тартып, 1520 кеңістігінде бәсекелестікті күшейтті.

 –Осы жылы күтілетін қорытындылар есебінен бізге Қытайдан Еуропаға және керісінше бағытта контейнер айналымын жүз есе арттыру мүмкін болды. Басқа да бағыттар дамуда. Біз тәжікстандық әріптестермен бірге Иранға жол ашатын «Солтүстік-Оңтүстік» дәлізін құрдық, Әзірбайжан және Грузиямен бірге транскаспийлік бағытты дамытудамыз. Мұның барлығы біздің өңірде қуатты көліктік-транзиттік хаб құруға мүмкіндік береді, – деді Асқар Мамин. – 2020 жылға дейін Қазақстан арқылы контейнер ағымын екі миллионға дейін жеткізу жоспарлануда. ҚТЖ президенті атап өткендей, Қазақстанның алдында 2020 жылға қарай  логистикалық қызметі жетілген 40 елдің қатарына кіру міндеті тұр.  «ҚТЖ»ҰК»АҚ басшысы, сондай-ақ Еуропа және Парсы шығанағы елдері нарығына шығуға мүдделі ҚХР провинцияларымен жүк ағымын тарту бойынша жүргізіліп жатқан жұмыстар жайлы айтып өтті.

– Соңғы жеті жылда теңіз тасымалы ақысының көлемі жеті есе азайды. Дегенмен, соған қарамастан біздің еліміз арқылы өтетін транзиттік ағымдар мен көлемдерді өсіруге қол жеткізілді. Осы қарқынды сақтап, әрі қарай да осы бағытта жұмысты жалғастырамыз деп ойлаймыз, – деп атап өтті Асқар Мамин. – Тіпті қатаң бәсекелестік жағдайында да бізге табысты компания болып қала беру мүмкіндігі бар. Біздің өсіміміздің басты сегменті – ол транзит. Бүгінгі таңда жалпы табыстың шамамен 28 пайызын транзиттік тасымалдан түсетін табыс құрайды. 2020 жылға дейін бұл көрсеткішті 50 пайызға жеткізуді жоспарлап отырмыз.

ҚТЖ басшысы Асқар Маминның айтуынша, табыс кілті – клиенттердің барлық қажеттіліктерін қамтамасыз ететін жағдай жасау.

Дина МУЗДУБАЕВА, 

Астана-Сочи