2023 жылы теміржолшылар 500-ден астам рационализаторлық ұсыныстар әзірледі
Жаңашылдықтар еңбек жағдайлары мен еңбекті қорғауды жақсартуға, ОЭР үнемдеуге, пойыздар қозғалысының қауіпсіздігіне, технологиялық процестерді және теміржол инфрақұрылымы құрылғыларының сенімділігін жақсартуға бағытталған. Ұсыныстарды енгізудің жиынтық экономикалық әсері 14,8 млн теңгеден асты.
ҚТЖ-да 500-ден астам өнертапқыш жұмыс істейді. Өткен жылы оларға авторлық сыйақы ретінде 20 млн теңгеден астам қаражат төленді.
«ҚТЖ-дағы үздік техникалық шешімі» байқауының қорытындысы бойынша 2023 жылы 18 өнертапқыштық ұсыныс анықталды. Байқау жеңімпаздарының қатарында әр түрлі номинациялар бойынша Аягөз жол дистанциясының токары Сергей Лышиленко, Железорудная станциясының вагондар тексерушісі Мұрат Ержанов, Павлодар магистральдық желі бөлімшесінің бас инженері Қазбек-Жарылғасын Оспанов, Павлодар белгі беру және байланыс дистанциясының учаске бастығы Бауыржан Бабатаев, Жақсы станциясының тартқыш қосалқы кіші станциясының бастығы Юрий Глобенко, Жамбыл локомотив пайдалану депосының жөндеуді бақылау бөлімінің бастығы Иван Шамлиди және Тараз станциясының бас инженері Еркін Шардарбеков бар.
2023 жылдың қорытындысы бойынша «Үздік рационализатор» төсбелгісімен Қарағанды магистральдық желі бөлімшесінің бөлім бастығы Еран Хасенов, Қарағанды магистральдық желі бөлімшесінің Ғылыми-техникалық ақпарат және талдау орталығының бастығы Сапар Жазыбаев, Тобыл белгі беру және байланыс дистанциясының аға электрмеханигі Талғат Тәліпов, Қарағанды электрмен жабдықтау дистанцияларының аға электромеханигі Саян Әкімов, Достық вагон пайдалану депосының өндірістік-техникалық бөлімінің бастығы Бейбіт Жабаев, Орал белгі беру және байланыс дистанциясының белгі беру, орталықтандыру, блоктау жөніндегі басшысының орынбасары Шынтас Қалилолла, Түлкібас жол дистанциясының еңбекті қорғау және қауіпсіздік техникасы жөніндегі жетекші инженері Шәмшидин Дадабаев марапатталды.
ҚТЖ қызметі ғылыми-техникалық прогресті жеделдетудің маңызды құралы ретінде рационализаторлық қызметтің деңгейін арттыруға және дамуын ынталандыруға бағытталған.
