ҚТЖ автокөлік жүргізушілерін теміржол өткелдерін кесіп өтерде сақ болуға шақырды

Теміржолшылар автокөлік жүргізушілерін теміржол өткелдерін кесіп өту кезінде аса сақ болуға шақырады және барлық жағдайларда өткелдердегі ЖКО-ның басты себебі автокөлік құралдары жүргізушілерінің Жол жүру ережелерін бұзуы екенін еске салды, деп хабарлайды Rail-news.kz.

Теміржол өткелдеріндегі ереже бұзушылықтар тұрақты жұмыс істейтін  тыйым салу сигналдары кезінде орын алады. Жүргізушілер теміржол көлігі қозғалыстың қалған қатысушыларынан артықшылығы бар екенін ұмытады.  

Өткелдердегі қауіпсіздікті қамтамасыз ету үшін ҚТЖ барлық өңірлерде кешенді профилактикалық жұмыс жүргізуде. Түсіндіру жұмыстарынан басқа, теміржолшылар өткелдерге күрделі жөндеу жүргізіп, оларды қосымша заманауи ескерту және тосқауыл құрылғыларымен жабдықтап келеді. 2025 жылдан бастап күзетілетін және күзетілмейтін өткелдерде деректерді автоматты түрде тіркей отырып, бейнебақылау жүйелері кезең-кезеңімен орнатылатын болады.