Ардагерлердің айтары бар
Жаңалықтар
30.03.2018, 17:18
![](https://rail-news.kz/uploads/posts/old/railnews5bc49466af0f21.77764146.jpg)
«ҚТЖ-Жүк тасымалы» АҚ «Шымкент жүк бөлімшесі» ЖТ филиалында ардагерлер кеңесінің кезекті есеп беру жиыны өтті. Бүгінде аймақ бойынша 3197 зейнеткер болса, оның ішінде 939 зейнеткер Магистральдық желі бөлімшесіне, ал 238 ардагер «Шымкент жүк бөлімшесі» ЖТ филиалдарына қарайды.
Бұдан бөлек «Қазтеміртранс» пен «Транстелеком» АҚ филиалдарынан, «Шымкент ремсервис» жекеменшік мекемесінен, «Теміржол су» мекемесінен, теміржол күзетінен, т.т. жекеменшік мекемелер есебінде тұрған ардагерлердің өзі жүздеп саналады. Ұлы Отан соғысына қатысқан 14 майдангер бар. Тыл еңбеккерлері – 240. Сондай-ақ, 168 зейнеткер «Еңбек ардагері» – медалінің иегері, 55 ардагер – «Құрметті теміржолшы» төсбелгісінің иегері.
Міне, осы үш мыңнан астам ардагердің жоғын жоқтап, мұңын мұңдайтын Ардагерлер кеңесінің жиынына Арыс, Түркістан мен Сарыағаш сынды тораптық бекеттерден ардагерлер арнайы келді. Айта кетейік, Арыс пен Түркістан сынды тораптық бекеттерде екі ардагерлер кеңесінің шағын ұйымы жұмыс істейді.
– Шымкент филиалы бойынша Жеңіс күніне орай соғыс ардагерлеріне 1 млн 25 мың, кемінде он жыл теміржол көлігінде жұмыс істеген 2973 ардагерге әлеуметтік жәрдем көрсету үшін 13 млн 450 мың, екі жылда бір тісті протездеу үшін 346 адамға 7 млн 631 мың теңге бөлінген. Жастары 70,80,90-ға жақындаған 1745 әріптестің мерейтойын атап өтуге бөлінген 4 млн 381 мың теңге игерілді. Теміржол көлігінде жол жүру төлемі үшін 3146 адамға 2 млн 409 мың теңге қарастырылған. Саяжай, шипажайларға емделуге 166 адамға 13 млн 470 мың теңге, хаттамаға сәйкес 131 адамға 1 млн 571 мың теңге қаржылай көмек көрсетілген. Жұмыс істемейтін зейнеткерлерді қолдауға кететін жалпы шығын 85 млн 903 мың теңгені құраған, – деді сөзін есеп-қисаптан бастаған ардагерлер кеңесінің төрағасы Нұрғали Нұртаев.
Сондай-ақ өткен жылы Құрметті теміржолшы Балтасапар Ибрагимовтің 70 жылдығына орай ардагерлер арасында кіші футболдан турнир өткізілгені, ардагер-теміржолшылар: Райса Шәкірованың – 80, Сәменованың – 70, Паттевтің – 70, Камалованың – 80, Қожатаевтың – 75, Самаринаның – 90, Абдуллаев пен Оспанқұловтың 95 жылдық мерейтойлары ескеріліп, шаңырақтарына бас сұғып, ауруханада жатқан, қаза болған зейнеткерлерге қандай әлеуметтік жәрдем берілгені айтылды.
Өткен жылдың тағы бір жаңалығы, ардагерлер кеңесінің қолдауымен «Локомотив» спорт клубы құрылып, Өзбекстан мен Қазақстандағы локомотив федерациясы ұйымдастырған халықаралық жарыстарға демеушілік көрсетіп келеді.
Өткен жылы теміржолшы әулеттің бірі Кеңес Сайрамбаевтың отбасы қалалық «Үлгілі отбасы» байқауына қатысып, екінші орын алғаны да ардагерлер ұйымының мерейін үстем етті. Осындай жақсы істерді мысал еткен Нұрғали Нұртаев баяндама арасында ардагерлер облыстық көлемдегі іс-шаралардан шет қалмайтынын да сөз етті. Мысалы, 12 қаңтарда Дінмұхаммед Қонаевтың туған күнінде теміржолшы-ардагерлердің атынан Д.Қонаевтың ескерткішіне гүл шоғын қойып, айтулы тұлғаның кезінде Машат теміржол көпірін салуға атсалысқанын, «Шымкент – Алматы» бағытындағы жолаушылар көлігі қатынасын іске асырған еңбегін еске алған.
Түркістандағы ардагерлер кеңесінің төрайымы Райса Шәкірова өз сөзінде ардагерлерге өлімнің қорқынышты еместігін, өмір бойы көпшіліктің ортасында жүрген жандар елеусіз-ескерусіз қалмауды ойлайтынын жеткізді. Ұл-қыз бен немеренің қызығы бір бөлек. Мейрам мен мерейтойларда баяғы ұжымдастарын бір көруді күтетіні рас. Айтары жоқ, өткен ғасырдың ортасынан осы мыңжылдықтың басына дейін шойын жолдың дамуына күні мен түнін арнаған абзал жандардың бәрі бірдей қамсыз-мұңсыз емес екен. Ұл-қызының рахатын көрер шақта жалғызбасты атанған қариялардың саны жетеуге жетіпті...
– Ардагерлер өздеріне берілетін жеңілдіктерді жақсы біледі және олар соны пайдалануға құқылы. Қазір менде 61 адам шипажайда демалса, 15 кісі тісін жөндетуде.12 жылдан бері зейнеткерлермен жұмыс істеймін, қиындықтар да жоқ емес. Олардың мерейтойында, болмаса ауырып-сырқағанда, қаза болғанда барып, туған күн иесін құттықтап, ауруына көңіл айтып, өлгеніне бата жасау керек. Сондай сәттерде қолдың қысқалығынан ұяламын. Демеушілер жоқ. Алдағы уақытта осы мәселенің шешімін қарастырсақ дұрыс болар еді, – деп өтініш-тілегін жеткізген сексеннен асқан Райса апаның сөзі талайларға ой салды.
Сосын тағы бір жаңалық, 2018-2020 жылдарға арналған соңғы ұжымдық шартта «Жүк тасымалы» АҚ филиалдарында ардагерлер кеңесінің төрағасын сайлау ұсынылған. Бұл жиында сол орынға бөлімшеге танымал Майра Бақбергенова лайық деп танылды.
Динар МЕЙІРМАН, Шымкент
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді