Табылған ақыл
Жаңалықтар
22.06.2018, 15:53
![](https://rail-news.kz/uploads/posts/old/railnews5bc4974e24b520.02280352.jpg)
Елорданың көркін ашқан заманауи ғимараттың бірі де бірегейі – «Астана – Нұрлы жол» теміржол вокзалы кешеніне алғаш келдіңіз бе, осындай алып ғимаратта адасып кетемін деп қорқасыз ба? Кешен туралы толығырақ білгісі келетіндерге арнап вокзал ұжымы әлеуметтік желілер арқылы «Вокзалмен танысу – Бейімбет Ұлазбекпен» атты бейне жобасын таратуда.
Вокзал кешені директорының орынбасары Нұрлан Аманжоловтың айтуынша, ұжым болып қолдаған бұл бастаманы вокзал кезекшісі, теміржолдағы КТК – көңілді тапқырлар клубының мүшесі Бейімбет Ұлазбек жүзеге асыруда. Өз күштерімен инстаграм желісіне лайықтап дайындаған 1 минуттық арнайы бейнероликтің бірінші нұсқасында вокзалдың алғашқы жолаушылары үшін бейтаныс кіреберіс, шығаберістері таныстырылған. Көрерменді жалықтырмай, тарта білу үшін шағын бейнеүзікке әзіл араластырылған.
– Бұл бір жағы өз қызметкерлеріміздің бойындағы әуесқойлық қабілеттерін, қызығушылықтарын дамытып, қолдау көрсету үшін қолға алынып отыр. Теміржолда қауіпсіздікті сақтап қана қоймай, белсенділігімен, энергетикасымен көзге түсетін таланттар баршылық. Солардың осындай жұмысын инстаграм желісіндегі Nurly_zhol парақшасында салып отырамыз. Сонымен қатар оны басшылықпен келісе отырып, ҚТЖ сайтында да жариялау көзделуде, – дейді Н. Аманжолов.
Бейнероликті дайындауда оны кәсіби фото-бейне түсіріліммен қамтамасыз ету, мәтінін дайындау, соны жұмыс формасын киіп, көңілді етіп камера алдында орындау тараздық Бейімбетке еш қиындық келтірмейді. Теміржолшылар династиясынан шыққан ол алғашқы қызметін Жамбыл депосында слесарь болып бастап, былтыр жаңа вокзал ашылғанда осында кезекші болып ауысыпты. Әрине, жаңа заман талабына сай вокзал қызметкері болу үшін арнайы оқытылған. Ролик мәтінінде ол әуелі өзін таныстыра келе: «Бұл вокзалға келу үшін негізгі екі көше бар, олар: Ахмет Байтұрсынов және Жұмекен Нәжімеденов. Ал вокзалға кіретін 6 кіреберіс бар, олар: 3F, 3G, 4F, 4G және де бірінші, екінші кіреберістер. Негізі вокзалдың алды ол аялдама орналасқан беті», – деп тәптіштей түсіндіреді.
– Жобамыздың келесі санын вокзалдағы жолаушыларды тексеруден өткізетін қызметке (досмотр) арнағалы отырмыз, не үшін жүргізіледі ол, қауіпсіздік үшін қаншалықты тиімді екеніне тоқталамыз. Өзім теміржолда 2012 жылдан бері еңбек етудемін. Теміржол жайдарманшылары құрама командасының капитанымын. Атам 42 жыл теміржолда жұмыс істеген, Құрметті теміржолшы белгісінің иегері. Отбасымызда бәрі теміржолшы. Арман қуып Астанаға келген жастардың бірімін, Елорданың еңсесін асқақтата түсуге тарыдай үлес қосу – мақсатымыз. Мына жобаны үш жігіт болып жасап жатырмыз, әлеуметтік желіде оқырмандар пікірі жоғары, – дейді Бейімбет.
Ал вокзалдағы негізгі қызметі – жолаушылардың келіп-кетуін қадағалап, олардың қауіпсіздігін қамтамасыз ету, жол көрсету, қажет болса пойызға дейін шығарып салу, мүгедек жандар болса, арбаға отырғызып, вагонға мінгізу, т.т. қысқасы, жолаушыға қызмет көрсету. Оларға қазірде қойылатын талап – үш тілді жетік меңгеру. Сондықтан Бейімбет те шетел тілін меңгеруге ден қойған.
Райхан РАХМЕТОВА
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді