Жіңішке станциясында талап күшейді
Ақтөбе облысы бойынша меншікті тілші
Жіңішке станциясында жүк пойыздары тоқтаусыз жүріп жатыр. Теміржолшылар жұмысында да еш өзгеріс жоқ. Төтенше жағдай кезінде талап күшейіп, қауіпсіздік шаралары еселене түскен.
Станция бастығы Талғат Сағинов қауіпті індеттің алдын алу үшін жолаушылар тасымалы қызметінің жұмысы уақытша тоқтаса, теміржолшылардың және санитарлық-эпидемиологиялық қызметтердің бірлескен күш-жігерімен жүк тасымалдау жүріп жатқанын айтады.
– Коронавирус індетіне байланысты елде енгізілген төтенше жағдайға орай станцияда қауіпсіздік шаралары күшейтіліп, жүк жөнелту жұмыстары арнайы алгоритм тәртібімен жүруде. Барлық жұмысшыға гигиеналық заттар таратылды. Станция аумағы дезинфекцияланып, жұмысшылар отырған жерлерге ылғалды тазарту жұмыстары күніне бірнеше рет жүргізіледі, – дейді станция басшысы.
Станцияда күн сайын теміржолшылармен нұсқамалық өткізіліп, індеттің алдын алу шаралары туралы жадынама таратылуда екен. Қызметкерлер үшін маскалық режим енгізіліп, машинистер орталық ауруханада тексерістен өтеді. Жалпы теміржолшылар денсаулығын медицина мамандары қатаң бақылауда.
Сонымен қатар, жолдың екі бетіне де халық жиі шоғырланғандықтан көпшілікпен түсіндіру жұмыстары да тоқтаған жоқ.
«Қазір қалада карантин жарияланғанымен азық-түлік пен қажетін алу үшін ары-бері теміржолды кесіп өтетіндер бар. Сондықтан, қауіпсіздік шаралары назардан тыс қалмақ емес. Тұрғындарға 40-тан аса жадынама таратылып, жолды кесіп өтпек болған бірнеше тұрғынға желілік полиция қызметкерлері тарапынан ескерту берілді» дейді станция бастығы. Ардақ