ҚТЖ әйелдер вагондарын тағы үш бағыт бойынша іске қосады
Ұлттық тасымалдаушы «Әйелдер вагоны» жобасын одан әрі дамыту бойынша әлеуметтік сауалнама жүргізді. Оған 600-ден астам респондент қатысты. Әлеуметтік сауалнама қорытындысы бойынша әйелдер вагондарын тағы үш бағытта іске қосу туралы шешім қабылданды:
- №354/353 «Астана-Семей»;
- №24/23 «Ақтөбе-Алматы»;
- №25/26 «Алматы-Шымкент».
Естеріңізге сала кетейік, бүгінгі таңда әйелдерге арналған вагондар бар пойыздар 8 маршрут бойынша қатынайды:
- №77/78 «Алматы-Маңғыстау»;
- №351/352 «Алматы - Өскемен»;
- №45/46 «Павлодар-Түркістан»;
- №37/38 «Маңғыстау-Семей»;
- №47/48 «Атырау-Астана»;
- №33/34 «Ақтөбе - Алматы-1»;
- №4/3 «Астана-Алматы-2»;
- №71/72 «Астана-Шымкент».
2024 жылдың бірінші жартыжылдығында 70 мыңнан астам жолаушы «әйелдерге арналған вагондар» қызметін пайдаланды. Бұл көрсеткіш 2023 жылдың сәйкес кезеңімен салыстырғанда 2 есеге өскен. Әйелдерге арналған вагондарда жеті жасқа дейінгі ер балалардың жүруіне рұқсат етілген.